Թուրքական Radikal օրաթերթի փոխանցմամբ` հուշակոթողի վրա նկարել են Թուրքիայի դրոշը և թողել «ասորի շներ» գրությունը:

Հիշեցնենք, որ ասորիների ցեղասպանության զոհերի հիշատակը հավերժացնող հուշարձանը Սիդնեյի Bonnyrigg Park-ում տեղադրվել էր ընթացիկ տարվա օգոստոսի 7-ին: Բացման արարողությանը մասնակցել էր մոտ 2000 մարդ, այդ թվում՝ ավստրալացի բարձրաստիճան դիվանագետներ:

2009թ. Սիդնեյի Ֆայրֆիլդի համայնքային խորհուրդը ճանաչեց Առաջին աշխարհամարտի տարիներին Օսմանյան կայսրությունում ասորի ժողովրդի դեմ իրականացված ցեղասպանությունը և որոշում կայացրեց քաղաքում տեղադրել ասորիների ցեղասպանության զոհերի հիշատակը հավերժացնող հուշակոթող:

Այդ որոշումից հետո ինչպես պաշտոնական Անկարան, այնպես էլ ավստրալաբնակ թուրքերը ջանքեր էին գործադրում հուշարձանի տեղադրումը ձախողելու համար:

Աղբյուրը` ԹԵՐԹ.am

Վտանգը կայանում է նրանում, որ այդպիսով թշնամին ստանում է ձեր ֆեյսբուքյան հաշվեհամարի գաղտնաբառը և դուք այդուհետ կարող եք զրկվել ձեր հաշվի մուտքի իրավունքից` այն կանցնի թշնամու ձեռքը:

ՈՉ ՄԻ ԴԵՊՔՈՒՄ ՉՍԵՂՄԵՔ ԱՅԴ ՀՂՈՒՄԸ (link-ը), ԻՍԿ ԵԹԵ ԱՐԴԵՆ ՍԵՂՄԵԼ ԵՔ ԱՊԱ ԱՆՀԱՊԱՂ ՓՈԽԵՔ ՁԵՐ ՀԱՇՎԻՆ ՄՈՒՏՔԻ ԳԱՂՏՆԱԲԱՌԸ:

Սփամային հաղորդագրության մեջ, մասնավորապես, նշվում է, որ ձեզ ցանկանում են ուղարկել վիրտուալ նվեր, և խնդրում են սեղմել այդ հղման վրա: Այդ վտանգավոր նամակն ունի նմանատիպ բովանդակություն.
I wanted to send you a gift http://apps.facebook.com/makemel aughnow/ so send me one in return!

Տեքստի որոշ մասը վերցված է HayNews կայքից

Բլոգի միջազգային օրը (Blog International Day) հայտնվել է այն հավատով, որ բլոգերները նույնպես պետք է ունենան և յուրահատուկ կերպով նշեն իրենց օրը: Բլոգի օրը ողջ աշխարհում նշվում է օգոստոսի 31-ին:

Այս օրը յուրաքանչյուր բլոգեր ցանկալի է, որ հայտնաբերի իրեն դեռ անծանոթ 5 նոր բլոգներ և կատարի գրառում իր բլոգում նոր հայտնաբերած բլոգների մասին: Այսպիսով և’ սովորական ընթերցողը, և’ տարբեր բլոգերները կտեղեկացնեն միմյանց անծանոթ նոր բլոգների մասին, որն էլ իր հերթին կբերի նոր հետաքրքրություններ դեպի բլոգոսֆերան:

BLOG DAY 2010 ARMENIA – 31 AUGUST…

Իսկ թե ինչ է հարկավոր անել և ինչպես նշանավորել օգոստոսի 31-ը, կարդացեք www.BlogDay.am կայքում:

Միացեք Blog Day Armenia էջին նաև ֆեյսբուքում…

Իդրակ Աբբասով, Կովկաս, Կովկասյան լրատու # 555. 20-ը օգոստոսի, 2010թ.

Ադրբեջանի ոչ կառավարական կազմակերպությունները պնդում են, որ իշխանությունները դիտավորյալ են մերժում օրինական գրանցում տրամադրել իրենց`զրկելով դրամական միջոցներ ստանալու հնարավորությունից եւ սահմանափակելով գործունեությունը:

ՀԿ-ները պնդում են նաեւ, որ պետության կողմից ֆինանսավորվող կազմակերպությունները, որոնց հանձնարարված է միջոցներ տրամադրել ՀԿ-ներին, դիտավորյալ շրջանցում են մարդու իրավունքների, խոսքի ազատության եւ բնապահպանության նման զգայուն ոլորտներում աշխատող ՀԿ-ները:
Գրանցման կանոնների փոփոխության եւ պետական միջոցների արդար բաշխման համար պայքարը 37 չգրանցված հասարակական կազմակերպությունների է միավորել:

Հուլիսի 30-ին տեղի ունեցած մամլո ասուլիսի ժամանակ այս կոալիցիայի անդամները հայտարարեցին, որ պատրաստվում են բողոքի ակցիա անցկացնել Արդարադատության նախարարության շենքի մոտ, սակայն Բաքվի իշխանությունները հրաժարվեցին թույլտվություն տալ, եւ ակտիվիստները որոշեցին չդիմել բացահայտ առճակատման:
Չգրանցված ՀԿ-ների կոալիցիայի համակարգող Ջասուր Սումերենլին մեղադրում է իշխանություններին «ամբողջությամբ իրենց վերահսկողության տակ գտնվող ՀԿ-ներ ստեղծելու եւ գրանցելու» մեջ:

«Ադրբեջանի իշխանությունները փորձում են մենաշնորհ ստեղծել հասարակական կազմակերպությունների սեկտորում, ինչպես դա արել են լրատվամիջոցների ոլորտում», – հավելում է նա:

Քանի դեռ ՀԿ-ները պետական գրանցում չունեն, նրանց գործունեությունը չի կարող օրինական համարվել, բացի այդ, նրանք չեն կարող դրամական միջոցներ ստանալ եւ հարկ վճարել: Դոնորներից շատերը հրաժարվում են դրամաշնորհ տրամադրել գրանցում չունեցող ՀԿ-ներին, իսկ նրանք, որոնք գնում են այդ քայլին, կարող են ապօրինի գործողությունների մեջ մեղադրվել:

Սումերենլիի խոսքերով`2008-ին պետական միջոցները հասարակական կազմակերպություններին մատակարարելու նպատակով ՀԿ-ների աջակցության պետական հանձնաժողովի եւ Լրատվամիջոցների աջակցության հիմնադրամի ստեղծումը «մեծ հարված» էր ոչ կառավարական կազմակերպությունների համար:

«Այս կազմակերպությունները մոտավորապես 15 միլիոն մանաթ (19 միլիոն դոլար) են բաժանել: Հայտնի ՀԿ-ների մեծ մասն այս գումարից մեկ դրամ անգամ չի ստացել, մինչդեռ ինչ-որ անհայտ, նորաստեղծ ՀԿ-ներ նշանակալի գումարներ են ստանում այդ հիմնադրամներից: Այս դրամական միջոցների բաշխումը որեւէ կանոնի կամ տրամաբանության չի ենթարկվում», – ասում է նա:

ՀԿ-ների աջակցության պետական հանձնաժողովի նախագահ Ազայ Գուլիեւը հերքել է այն մեղադրանքները, թե իր կազմակերպությունը դրամ է մատակարարում միայն պետության վերահսկողության տակ գտնվող ՀԿ-ներին: Գուլիեւը նաեւ նշել է, որ մոտավորապես 20 չգրանցված ՀԿ-ների ներկայացուցիչների հետ է հանդիպել` խոստանալով օգնել նրանց:

Արդարադատության նախարարության պաշտոնյաներից մեկն իր հերթին հերքում է այն մեղադրանքները, որ Ադրբեջանը քաղաքացիական հասարակությանը ճնշելու դավադիր փորձեր է անում:
Արդարադատության նախարարության գրանցման բաժնի պետի տեղակալ Սուբհի Քազիմովն ասում է, որ այս տարվա առաջին կեսին մոտավորապես 70 հասարակական կազմակերպություններ են գրանցվել, եւ ավելի քան 2 400 ՀԿ-ներ են ներկայում գործում Ադրբեջանում:

Ըստ Քազիմովի`հասարակական կազմակերպությունների գրանցումը մերժելու համար հիմք է ծառայել այն, որ նրանց դիմումները սխալ են կազմված եղել:

«Արդարադատության նախարարությունը երբեք հավելյալ փաստաթղթեր չի պահանջում գրանցման համար: Սակայն երբեմն լինում են ՀԿ-ներ, որոնք պարզապես պատճենում են մեկ այլ կազմակերպության գործող կանոնադրությունը: Նման դեպքերում մենք, բնականաբար, հետ ենք ուղարկում այդ փաստաթղթերը, որպեսզի դրանք վերափոխվեն», – ասում է նա:

«Ժողովրդավարական ինստիտուտների եւ մարդու իրավունքների միության» նախագահ, իրավաբան Էլչին Աբդուլաեւը սրան ի պատասխան հայտարարում է, որ արդարադատության նախարարության հարցադրումներից շատերն իրականում կոչված են խոչընդոտել գրանցում տրամադրելուն:

Նրա խոսքերով`ՀԿ-ները պետք է վիճարկեն գրանցման մերժումները դատարանում, իսկ անհրաժեշտության դեպքում դիմեն Մարդու իրավունքների եվրոպական դատարան: Ի ապացույց իր խոսքերի` նա բերում է Շեյդա Նասիբովայի օրինակը, ով Ադրբեջանի իշխանությունների դեմ բողոք էր ներկայացրել Ստրասբուրգի դատարան, երբ նրա ղեկավարած ՀԿ-ն`«Հետաքննող լրագրության կենտրոն»-ը, գրանցում չէր ստացել: 2007 թվականին դատարանը նրա օգտին էր որոշում կայացրել:

Ադրբեջանական չգրանցված ՀԿ-ների միությունը եւս 25 դատական գործ է հարուցել ազգային դատարաններում: Այս տարվա հունվարին «Մարդու իրավունքների եւ լուսավորության տարածաշրջանային կենտրոն»-ի օրինակը նախադեպ ծառայեց նրանց համար: Գերագույն դատարանը որոշում կայացրեց կազմակերպության օգտին այն բանից հետո, երբ ավելի ցածր ատյանի դատարանը մերժել էր դա անել: Արդյունքում`արդարադատության նախարարությունը ստիպված էր գրանցել կազմակերպությունը հունիսին:

«Ժողովրդավարական բարեփոխումների կազմակերպության» համանախագահ եւ կոալիցիայի անդամ Օգտայ Գուլալիեւը մասնակցել է ՀԿ-ների աջակցության պետական հանձնաժողովի նախագահ Գուլիեւի հետ հանդիպմանը:
«Մեր առջեւ երկու ճանապարհ կա`կամ սպասել եւ հուսալ, որ ՀԿ-ների աջակցության պետական հանձնաժողովն օգնություն կցուցաբերի մեզ կամ հասնել մինչեւ Մարդու իրավունքների եվրոպական դատարան: Այս պահին, մենք առաջին ճանապարհն ենք նախընտրում», – ասում է նա:

Իդրակ Աբբասովը «Զերկալո» թերթի թղթակիցն է եւ IWPR-ի «Համակովկասյան լրագրության ցանց» նախագծի անդամ: Հոդվածն արտատպվում է Պատերազմի և խաղաղության լուսաբանման ինստիտուտի «Կովկասյան լրատու» պարբերականից:

11 սեպտեմբերի, 20:00, Կոնգրես հյուրանոց, բացօթյա լողավազան:

Welcome drink: 20:00 – 21:00 (ուշանալ պետք չէ…): Մանրամասների համար` 010 547102, 099 547102

Intel կորպորացիան հայտարարել է առաջին կրկնակի միջուկներով հագեցած նեթբուքների վաճառքի մասին, որոնք հագեցած են Atom մոբիլ պրոցեսորներով: Մինչ այս տարվա ավարտը, այդպիսի համակարգերը կօգտագործեն Acer, Fujitsu, Lenovo, Asustek, LG, Samsung, Toshiba, MSI և այլ ընկերությունները:

Առաջին նեթբուքները կպարունակեն երկմիջուկ Intel Atom N550 պրոցեսորներ, որոնք կսպասարկեն DDR3 օպերատիվ հիշողության ինտերֆեյսներ: Նշենք նաև, որ Atom սերնդի պրոցեսորների կողմից DDR3-ի ապահովումը ներդրվել է բոլորովին վերջերս: Նոր սխեման թողարկվում է 32-նանո տեխնոլոգիաների հիման վրա և պարունակում է նաև գրաֆիկական վերահսկիչ (graphic controller):

Intel ընկերությունում հավաստիցանում են, որ Atom N550-ը կշարունակի ապահովել նույնքան ավտոնոմ աշխատանք, որքան որ ապահովում էր Atom N450-ը` չպահանջելով հավելյալ տարածություն ջերմափոխանակման համար, որն էլ թույլ կտա տեղադրել համակարգը ներկայումս օգտագործվող նեթբուքներում:

IT Club meeting 20, Tsaghkadzor

Օգոստոսի 21-ին և 22-ին Ծաղկաձորում արտագնա միջոցառմանը հանդիպեցին IT-ակումբի 30 մասնակիցները և հայկական ՏՀՏ ոլրոտի առաջատար մի քանի կազմակերպությունների ներկայացուցիչներ:

IT-ակումբի ամառային արձակուրդն արդեն ավարտված է, և 20-րդ հոբելյանական հանդիպումով այն նոր թափով և նոր գաղափարներով կսկսի աշխատել:

20-րդ հանդիպմանը մասնակիցների միջև քննարկվեցին հայկական տեղեկատվական տեխնոլոգիաներին և ինտերնետային կյանքին վերաբերող բազմաթիվ թեմաներ, ներկայացվեցին մի քանի պրեզենտացիաներ, որոնց գերակշռող մասն ընդգրկում էր հայկական start-up գաղափարը:

Ինչպես նշել է IT-ակումբի հիմնադիրներից Արման Աթոյանը. IT ակումբի նպատակը ոչ ֆորմալ միջավայրում ուսանողների և ՏՀՏ կազմակերպությունների ներկայացուցիչների հանդիպումների կազմակերպումն է, ինչպես նաև հայկական ՏՀՏ ոլորտի զարգացմանը նպաստելը:

IT Club #20 Ծաղկաձոր միջոցառմանն աջակցել է «Մրցունակ մասնավոր հատված Հայաստանում» (CAPS) ծրագիրը:

Հանդիպման ժամանակ եղան բազմաթիվ նոր մտքեր` կապված IT-ակումբի ծավալման և նոր ուղղությունների հետ, որոնցից ոմանք, ամենայն հավանականությամբ, կտեսնենք գործածության մեջ:

IT-ակումբի առաջին հավաքը տեղի է ունեցել 2009թ. օգոստոսի 28-ին, այն ժամանակ` Բրիջ ակումբում: Այժմ ակումբի հավաքներն տեղի են ունենում Ամերիկյան համալսարանի բիզնես կենտրոնի դահլիճում: Այս ընթացքում ակումբի կողքին են եղել և աջակցել նրա աշխատանքներին բազմաթիվ կազմակերպություններ` UITE-ն, Մայքրոսոֆթ Հայաստանը, Ինեկոբանկը, CAPS ծրագիրը և այլն:

Մեր կարծիքով, IT-ակումբն արդեն կատարել է իր գործն այս մեկ տարվա ընթացքում, որն է` ակտիվացնել հայկական ՏՀՏ ոլորտը: Այն դեռ ավելի կծավալվի` առանց կողմնակի ուղղորդումների և էլ ավելի կնպաստի հայկական տեղեկատվական տեխնոլոգիաների զարգացմանը:

IT Club-ին մաղթում ենք նոր աշխատանքային և ինովացիոն մտքեր )

Հիշեցնենք նաև, որ iReport.am կայքն հանդիսանում է IT-ակումբի ինֆորմացիոն գործընկերը և IT-ակումբի առաջին հանդիպումից սկսած լուսաբանել է նրա բոլոր միջոցառումները:

Հիշեցնենք նաև, որ մինչ այժմ IT-ակումբի հավաքներին մասնակցել է ընդհանուր առմամբ ավելի քան 200 մասնակից: Նաև նշենք, որ IT-ակումբի հանդիպումները կամզակերպվում են երկու շաբաթը մեկ անգամ Ամերիկյան համալսարանի բիզնես կենտրոնում / Ալեք Մանուկյան 9 /, որի մուտքը ազատ է բոլորի համար:

IT Club #20 Meeting Tsaghkadzor Outgoing Event Photo-Report by iReport.am

123►

Արդեն 6-րդ անգամ անցկացվող «DigiTec Expo 2010» ամենամյա ցուցահանդեսը, որը տեղեկատվական և հեռահաղորդակցության տեխնոլոգիաների (ՏՀՏ) ոլորտի Հայաստանյան տարվա առանցքային իրադարձությունն է, այս տարի կանցկացվի հոկտեմբերի 29-ից 31-ը Կ. Դեմիրճյանի անվան մարզահամերգային համալիրում:

Ցուցահանդեսի հիմնական նպատակը բարձր տեխնոլոգիաների ընկերությունների, գործարար սպառողների և հասարակության միջև հաղորդակցման բարենպաստ միջավայր ստեղծելն է: Բացի այդ, ցուցահանդեսը հայաստանյան ՏՀՏ դաշտի իրական պատկերն ուսումնասիրելու, ընկալելու, ձեռքբերումներին ծանոթանալու, առկա մարտահրավերներն ու հնարավորությունները տեսնելու հնարավորություն է տալիս: Այն նաև միտված է միջազգային կապերի ընդլայնմանը:

«DigiTec Expo»-ն նաև մի շարք կարևոր խնդիրներ է լուծում. նախ` Հայաստանն արտասահմանում ներկայացվում է որպես բարձր տեխնոլոգիական իրադարձությունների երկիր, բացի այդ, ցուցահանդեսն ունի նաև ներդրումների ներգրավման նպատակ. արտասահմանյան ներդրողները կարող են այստեղ միանգամից ծանոթանալ ամբողջ ՏՏ համայնքին և հետագա ծրագրեր նախանշել:

Ցուցահանդեսի պլատինե հովանավորությունը ստանձնել է VivaCell-MTS ընկերությունը, գլխավոր հովանավորն է D-Link ընկերությունը: Միջոցառմանն իրենց ակտիվ մասնակցության մասին արդեն իսկ հայտնել են National Instruments, Synopsys, Ucom, Intracom, I-con, Unicomp, EIF, Nork, Apaga, Instigate, GNC, Softline, Scancode, Lanar, Credence, YETRI և մի շարք այլ ընկերություններ: Առաջին անգամ այս տարի ցուցահանդեսին կմասնակցի նաև գերմանական Krohne ընկերությունը: Ակնկալվում է, որ ցուցահանդեսը կունենա 15.000 այցելու և 60 մասնակից ընկերություն:

«DigiTec Expo»-ի շրջանակներում կանցկացվեն մի շարք հարակից միջոցառումներ: Դրանք են`

• DigiTec Տեխնոլոգիական ֆորում – Համահայկական ինժեներական ֆորում, որին ակնկալվում է հայաստանյան և սփյուռքի շուրջ 1500 ինժեներների մասնակցություն:
• DigiTec Start Up forum - Նորաստեղծ ընկերությունները կներկայացնեն իրենց ծառայությունները և գործունեությունը:
• Էլեկտրոնային կառավարում ֆորում - ՀՀ կառավարության և առընթեր մարմինների էլեկտրոնային ծառայությունների ներկայացում:
• DigiLife սեմինարների շարք
• Համակարգչային խաղեր նախագծողների Հայաստանի բաց առաջնություն
• «Երևան Գիտության փառատոն»
• Արմռոբոտիքս- Հայաստանի ռոբոտների բաց առաջնություն

Լրագրողական այցելություն Ախթալա:

2010 թվականի օգոստոսի 23-ին Պատերազմի և խաղաղության լուսաբանման ինստիտուտի (ՊԽԼԻ) Հայաստանյան մասնաճյուղը մի խումբ լրագրողների այցելություն է կազմակերպելու Լոռու մարզ` Թումանյանի տարածաշրջանում շրջակա միջավայրի և մարդկանց առողջության համար վտանգ ներկայացնող բնապահպանական խնդիրների լուսաբանման համար:

Լրագրողները այցելելու են Ճոճկան գյուղ, որտեղ գտնվում է «Մեթըլ Փրինս Էլ-թի-դի» կորպորացիային պատկանող Ախթալայի լեռնահարստացման կոմբինատ» ՓԲԸ-ի խորհրդային տարիներից ժառանգություն մնացած պոչամբարը, որում ըստ բնապահպանների, երկար տարիներ ռեկուլտիվացիա չի կատարվել: Պոչանքները հեղուկ վիճակում են և անդունդի եզրին գտնվող պոչամբարից հոսում են դեպի ձորը, որտեղով հոսում է Դեբեդը:

«Մեթըլ Փրինս Էլ-թի-դի» ընկերության պաշտոնական կայքում նշված է, որ տարբեր մասնագիտական եզրակացությունների համաձայն կոմբինատը բնապահպանական տեսանկյունից վտանգ չի ներկայացնում, արտադրությունը կազմակերպված է հաշվի առնելով բոլոր պահանջվող նորմերը: Սակայն, ըստ բնապահպանների բնապահպանական հիմնախնդիրները շարունակվում են անլուծելի մնալ:

Այս հակասությունը պարզելու համար Ախթալա քաղաքում կազմակերպվելու է հանդիպում «Ախթալայի լեռնահարստացման կոմբինատ»-ի պատասխանատուների հետ, իսկ Ալավերդու Օրհուսի կենտրոնում խնդիրը քննարկվելու է Ախթալայի, Ճոճկանի տեղական իշխանությունների, բնակիչների, կոմբինատի ներկայացուցիչների, Լոռու մարզի բնապահպահական ու այլ ՀԿ-ների մասնակցությամբ:

Օգոստոսի 24-ին տեղի ունենալիք երևանյան հանդիպումների ընթացքում ՊԽԼԻ-ն մտադիր է լրագրողներին հնարավորություն ընձեռել հանդիպելու բնապահպանների, փորձագետների, ոլորտի պատասխանատու պաշտոնյանների հետ:

Ծաղկաձորյան արտագնա IT ակումբի հանդիպումից հետո կրկին կսկսվեն ակումբի պարբերական հանդիպումները:

IT ակումբի 20-րդ արտագնա Ծաղկաձորյան միջոցառումը կազմակերպվում է USAID-CAPS (http://www.CAPS.am/) ծրագրի աջակցությամբ: Միջոցառումը տեղի կունենա Ծաղկաձորի գրողների տանը:

Ծաղկաձորյան արտագնա միջոցառման օրակարգը.

IT Club Meeting #20 օրակարգը`

Շաբաթ, օգոստոսի 21 , 2010թ.09:00 Մեկնում Երևանից

10:00 Ժամանում հյուրանոց

10:00-10:30 Գրանցում և սուրճի ընդմիջում

10:30-11:00 Բացման արարողություն

11:00-11:30 USAID/CAPS
Արմեն Աբրահամյան

11:30-12:00 UNICOMP
Արմեն Բալդրյան

12:00-12:30 ARMACAD
Կրթական ու գիտական տեղեկատվության տեղական ու միջազգային հոսքեր
Խաչիկ Գևորգյան

12:30-13:30 Ընդմիջում

13:30-14:30 Ճաշ

15:00-15:30 Artsakh IT Development Center
Վլադիմիր Գրիգորյան

15:30-16:30 GNS-Alfa
Երիտասարդական նորարարական նախաձառնությունների աջակցություն
Ավետիք Քալանթարյան

16:30-17:30 USAID/CAPS Միկրոպլան ձեռներեցության զարգացման ծրագիր
Մարինա Պողոսյան

17:00-17:30 Սուրճի ընդմիջում

18:00-19:00 UITE
Start Up Boom in Armenia
Կարեն Վարդանյան

19:00-20:00 Flexible Applications, Shahumyan Media, X-TECH
Success Start Up
Դավիթ Գրիգորյան, Արիկ Շահումյան, Արման Աթոյան

20:00 Ընթրիք

Կիրակի, օգոստոսի 22, 2010 թ.

9:00-10:00 Նախաճաշ

10:30-11:00 Միասնական Վեբ Ստանդարտներ
Սամվել Մաչանյան

11:00-11:30 TX Systems
Startuping in Armenia
Վահե Տոռոզյան

11:30-12:00 ReAnimania
Հայկ Ասիրյանց

12:00-12:30 NeoMedia նախագիծ.
NeoMedia-ն հայկական սոցիալական մեդիա ոլորտում
Վարդան Պապիկյան
Վարդան Գրիգորգյան

13:00-14:00 Ճաշ

15:00-17:00 Ամփոփում IT Club-ի ապագան
Բոլոր մասնակիցներով

18:00 Մեկնում Երևան

IT ակումբի արտագնա միջոցառման մասնակցության համար ուղարկում եք ITClubMeeting@gmail.com հասցեին, մինչև 19.08.2010 – 20:00

Անուն Ազգանուն …
Սովորելու վայր …
Աշխատանքի վայր …
Քանի անգամ եք եղել IT Club Meeting-ներին …
Ինչու եք ցանկանում մասնակցել այս անգամ …

IT ակումբի 20-րդ արտագնա միջոցառման պաշտոնական իրադարձությն էջը ֆեյսբուքում. http://www.facebook.com/event.php?eid=150286144983275