iReport.am ամենօրյա գրառումներ » Պրեզենտացիաներ

ArmenianOpen.net հայկական բաց բլոգ-պորտալ. Համահեղինակների գրանցումն սկսկված է…

Administrator — Thu, 20 May 2010 07:25:37 +0000

Եվ այսպես, հայկական բաց բլոգ-պորտալային համակարգն արդեն գործում է.

Կայքը առաջին անգամ ներկայացվեց ՆեոՄեդիա նախագծի և ARMACAD ցանցի կողմից համատեղ կազմակերպված Սոցիալական մեդիա և բլոգինգ սեմինարների ժամանակ, որտեղ էլ արվեց առաջին հայտարարությունն այն մասին, որ ցանկացած անձ կարող է դառնալ կայքի համահեղինակ և կատարել անհատական հրապարակումներ:

Կայքում գրանցում անցած անձանց համար պարբերաբար կկազմակերպվեն ուսուցողական երկօրյա հանդիպումներ, որոնց ժամանակ համահեղինակները կտիրապետեն WordPress համակարգից օգտվելու գործիքներին, կսովորեն թեմատիկ հրապարակումների կատարելու եղանակները և այլն:

Նշենք ևս մեկ անգամ, որ Հայկական բոց բլոգ-պորտալում համահեղինակները կարող են հրապարակել նյութեր բացի քաղաքականությունից և աստղային կյանքից: Շեշտը դրվում է հասարակական, մշակութային և այլ թեմատիկ ուղղվածությունների վրա (ավտոմոտիվ, արվեստ, լուսանկարչություն, քաղաքային կյանք, հեռահաղորդակցություն, տեղեկատվական տեխնոլոգիաներ, ինովացիաներ…):

Գրամցման համար այցելեք այս էջը…

Armenix.com – Հայկական ցանցն արդեն ունի հայերեն միկրոբլոգ

Administrator — Sat, 17 Apr 2010 13:32:58 +0000

Այս ուրբաթ` ապրիլի 16-ին, IT-ակումբի 16-րդ հանդիպման ժամանակ ՆեոՄեդիա նախագծի կողմից ներկայացվեց հայկական միկրոբլոգային համակարգը – Armenix.com-ը:

Համակարգի ներկայացման ժամանակ մասնակիցների միջև քննարկվեցին նաև հայկական բլոգոսֆերային և միկրոբլոգինգին վերաբերող թեմաներ:

Armenix.com հայկական միկրոբլոգային համակարգի ի հայտ գալը հայկական ցանցի ևս մեկ հայերեն և հայկական բովանդակության կարևոր ներկայացուցիչ կլինի, քանի որ այսօր ինտերնետային շատ կարևոր նյութեր շրջանառվում են հենց սոցիալական մեդիա ոլորտը ներկայացնող ռեսուրսներում` բլոգներում, միկրոբլոգներում և սոցիալական ցանցերում:

Այսպես, Armenix.com-ը միկրոբլոգային համակարգ է, որը հագեցած է բազմաֆունկցիոնալ հնարավորություններով, այդ թվում` նկարների, մեդիա/վիդեո և այլ ֆայլերի հրապարակման հնարավորություններով:

Համակարգը հանրահայտ Twitter միկրոբլոգից տարբերվում է նախ հայերեն նավիգացիոն և աշխատանքային դաշտով, հրապարակված գրառումները հնարավոր է մեկնաբանել, հնարավոր է անձնական հաշվեհամարին միացնել ինտերնետային տարբեր ռեսուրսների, այդ թվում անձնական բլոգի կամ Twitter-ի RSS-ը, որի միջոցով գրառումներն ավտոմատ կհրապարակվեն նաև Armenix.com-ի օգտվողի հաշվեհամարում` RSS հոսք բաժնում և տվյալ օգտվողի հետևորդների մոտ կցուցադրվեն գրառումները:

Տարբերությունները շատ են. նաև ինտերակտիվության և պարզության առումով Armenix-ը կարող է նաև համարվել որոշ առումներով սոցիալական ցանց, որի շեշտադրումը սակայն դրված է բովանդակության հրապարակումների այլ ո’չ զվարճանքների վրա:

Համակարգի գրառումները նույնպես հնարավոր է վերահրապարակել անձնական բլոգում նույն RSS-ի միջոցով:

Համակարգը մոտակա ամիսների ընթացքում կհարստացվի մի քանի այլ ֆունկցիաներով և հնարավոր են տարբեր փոփոխություններ, սակայն, սկսած ապրիլի 16-ից Armenix-ը կգործի ողջ հզորությամբ և առանց ընդհատումների: Միացեք ցանցին, կիսվեք Ձեր մտքերով, գրառումներով, նորություններով և այն ամենով. ինչ ենթակա է հրապարակման…

Armenix.com համակարգի հասցեն` www.Armenix.com
Armenix.com պաշտոնական խումբը Facebook-ում` http://www.facebook.com/group.php?gid=112209382142167
Armenix.com պաշտոնական էջը Armenix-ում` www.armenix.com/official
Armenix.com-ում iReport-ի պաշտոնական էջը` www.armenix.com/ireport

Տես նաև IT-ակումբի 16-րդ հանդիպման ֆոտո-ռեպորտաժը

NeoMedia Project / iReport.am

Օն-լայն հեռուստատեսություն` Times.am-ում

Administrator — Sat, 03 Apr 2010 20:17:33 +0000

Times.am լրատվական- վերլուծական կայքը ներկայացնում է նոր` On-Line hեռուստատեսություն նախագիծը: Նախագիծը ձեզ տալիս է հնարավորություն ուղիղ կապի միջոցով լինել տեղեկացված աշխարհի տարբեր անկյուններում տեղի ունեցող ամենակարևոր իրադարձությունների մասին ամենահեղինակավոր հեռուստատեսային աղբյուրների միջոցով:

Նախագծի նպատակն է` էլ ավելի պարզեցնել որակյալ ու կարևոր տեղեկատվություն ստանալու մեթոդներն ու գործընթացը հայկական օն-լայն ոլորտում: Այն ձեզ հնարավորություն է տալիս տարբեր աղբյուրներից ստանալ անաչառ տեղեկատվություն ընդհամենը մեկ կայքի միջոցով:

Այժմ արդեն հասանելի են հետևյալ հեռուստաալիքները`

Մի կին – մի աշխարհ. ֆոտո-մրցույթ

Administrator — Sat, 13 Mar 2010 20:15:18 +0000

«Երիտասարդ առաջնորդների դպրոցը»–ը և «Ինեկոբանկ»-ը կազմակերպում են «Մի կին – Մի աշխարհ» խորագրով լուսանկարների մրցույթ, որը մեկնարկել է արդեն է սույն թվականի մարտի 12-ից և որին կարող են մասնակցել բոլոր ցանկացողները։ Մրցույթի միակ պահանջը ներկայացված լուսանկարներում կանանց՝ հասարակական կյանքում ակտիվ ներգրավվածության և ստեղծագործ մոտեցմամբ կնոջ կերպարի ներկայացումն է։

Մրցույթին ներկայացված լուսանկարները դրվելու են օն–լայն քվերակության մրցույթի պաշտոնական բլոգում, որի հիման վրա և պրոֆեսիոնալ ժյուրիի եզրակացությամբ կորոշվեն մրցանակակիրները։ Լավագույնների առաջին եռյակի համար սահմանված է գումարային մրցանակ՝ համապատասխանաբար 100 000 դրամ, 60 000 դրամ և 40 000 դրամ, ինչպես նաև նախատեսված են խրախուսական մրցանակներ։

Լավագույն լուսանկարները կներկայացվեն սույն թվականի ապրիլի 7–ին մեկնարկող «Մի կին – Մի աշխարհ» ցուցահանդեսին, որի բացումը տեղի կունենա «Սիրահարների» այգում կազմակերպվելիք բացօթյա ցուցասրահում, ապա կտեղափոխվի Նարեկացի արվեստի միության ցուցասրահ:

Դիմումները ընդունվում են սույն թվականի մարտի 12-ից մինչև ապրիլի 4–ը ներառյալ officialwomanphoto@gmail.com հասցեով /ամենափոքր չափսը 300kb/, կամ կարող եք լուսանկարների էլեկտրոնային տարբերակները ներկայացնել Ինեկոբանկ հետևյալ հասցեով` Թումանյան 17, 4-րդ հարկ, 406 սենյակ:

Հարցերի դեպքում խնդրում ենք գրել մեզ նույն հասցեով: Լուսանկարներն ընթացքում ներկայացվում են ֆոտո-մրցույթի պաշտոնական բլոգում` http://womanphoto.wordpress.com/

Հիշողության մարզանք, հաճելի ժամանց և նվերներ հաղթողներին…

Administrator — Thu, 04 Mar 2010 09:34:46 +0000

Հայկական նոր ինտերակտիվ ցանցային ժամանցային պորտալը ներկայացնում է հիշողության մարզանքի օն-լայն խաղային պորտալը` www.Memory.am հասցեում: Արագ և ինտերակտիվ խաղային ռիթմը կստիպի Ձեզ հավաքել ավելի ու ավելի միավորներ և գրավել բարձր հորիզոնականներ Memory.am-ի TOP100-ում, իսկ առաջին 5 հորիզոնականները գրաված մասնակիցները այս ամսվա վերջում կստանան նվերներ HI-FI սկավառակների խանութի կողմից:

Ինչպես խաղալ.

Սեղմելով քառակուսիների վրա՝ դուք մի պահ կտեսնեք դրանց հակառակ կողմում եղած տարբեր պատկերները: Երկու միանման պատկեր իրար հետևից բացելու դեպքում, պատկերն այլևս չի շրջվի՝ մնալով տեսանելի: Խաղն ավարտված կհամարվի, եթե բացված լինեն բոլոր պատկերները:

Տրվում է անսահմանափակ ժամանակ, սակայն հնարավորինս արագ բացելով բոլոր պատկերները, կարող եք ավելի շատ միավորներ հավաքել և լավագույն խաղացողների Top 100-ում գրավել բարձր հորիզոնական: Իսկ յուրաքանչյուր ամսվա վերջում խաղացողների միավորները զրոյանում են և խաղային մրցույթը սկսվում է նորից: Ամեն ամսվա 1-ից սկսած հավաքելով հնարավորինս շատ միավորներ, առաջին 5 տեղը գրաված խաղացողները նվերներ կստանան Hi Fi սկավառակների խանութի կողմից:

1-ին տեղ – 6 սկավառակ

2-րդ տեղ – 5 սկավառակ

3-րդ տեղ – 4 սկավառակ

4-րդ տեղ – 3 սկավառակ

5-րդ տեղ – 2 սկավառակ

Նվերներն ստանալու համար անհրաժեշտ է այցելել Ամիրյան Զաքյան խաչմերուկում գտնվող «Isystems» ընկերություն, ստանալ հատուկ կտրոն, եւ ներկայացնել այն Hi Fi սկավառակների խանութ:

Մրցանակների հաջորդ խաղարկումը կկայանա մարտի 31-ին:

Այցելել Memory.am

Դուք կարող եք հետևել Memory.am խաղային պորտալի անցուդարձերին Twitter-ում` հետևելով մեզ. www.twitter.com/neopromoter

Միացեք նաև Memory.am խմբին Facebook-ում. http://www.facebook.com/group.php?gid=322303672228

—————————————————————
PostScript Advertisement by NeoMedia ::
♦ Սոցիալական մեդիա առաջխաղացում հայկական ցանցում: Գովազդային տեքստերի հրապարակում, առաջխաղացում սոցիալական ցանցերում և բլոգներում. NeoMedia.am
Տեղադրել PostScript գովազդ ..

Նոր ծառայություն ՆեոՄեդիայի կողմից

Administrator — Sun, 31 Jan 2010 12:47:05 +0000

ՆեոՄեդիա նախագիծը, սկսած 2010թ. փետրվարի 1-ից, հայկական կազմակերպություններին և անհատներին առաջարկում է նոր ծառայություն` սոցիալական մեդիա առաջխաղացում հայկական ցանցում: Սոցիալական մեդիա առաջխաղացումը կատարվում է հայ ինտերնետ-օգտվողների մոտ մեծ մասսայականություն վայելող սոցիալական ցանցերի (Facebook, Twitter, LinkedIn) և անհատական պրոֆեսիոնալ բլոգի միջոցով:

Ինչ է ներառում ՆեոՄեդիայի կողմից առաջարկվող համալիր սոցիալական մեդիա առաջխաղացման փաթեթում.

Խմբերի ստեղծում և ղեկավարում սոցիալական ցանցերում (Facebook, LinkedIn):
Կոմերցիոն էջերի ստեղծում և ղեկավարում սոցիալական համակարգերում (Facebook pages, Twitter channels):
Ամենօրյա անոնսների և հաղորդագրությունների ուղարկում սոցիալական ցանցերի և համակարգերի էջերի և խմբերի միջոցով:
Կոմերցիոն բլոգների ստեղծում WordPress համակարգի հիման վրա. Անհատական դոմեյնային անվանման գրանցում և պրոֆեսիոնալ հոսթինգի տրամադրում:
Կոմերցիոն բլոգի ամենօրյա թարմացում: Բլոգի և կոմերցիոն առաջարկների, բրենդային անվանումների առաջխաղացում ինտերնետում (Search Engine Optimization)

Սոցիալական մեդիա առաջխաղացման ծառայությունները կարող են մատուցվել ինչպես համալիր, այնպես էլ առանձին` վերը նշված տարբերակներով:

Այցելեք ՆեոՄեդիա նախագծի սոցիալական մեդիա առաջխաղացման ծառայության էջը. www.neomedia.am/social-promotion.php

Հայկական մոբիլ և հեռահաղորդակցության պորտալ

Administrator — Tue, 26 Jan 2010 21:28:02 +0000

Ս.թ. փետրբարի սկզբին կգործարկվի Հայկական բջջային և հեռահաղորդակցության ոլորտի ինտերակտիվ ռեպորտաժների պորտալը` www.ArmeniaMobile.net հասցեով:

ArmeniaMobile.net հեղինակային գրառումների և հոդվածների պորտալը ներկայացնում է հայկական և միջազգային հեռահաղորդակցության և բջջային աշխարհի նորություններ, անոնսներ և մեկնաբանություններ, հեղինակային կարծիքներ, բջջային ինդուստրիայի վերջին նորամուծություններ և այլն:

Կայքում իրենց հեղինակային հոդվածները կարող են հրապարակել բոլորը` ուղարկելով հոդվածները info@armeniamobile.net հասցեին:

Վիդեո բլոգ` Video-Week.com

Administrator — Thu, 22 Oct 2009 18:53:05 +0000

ՆեոՄեդիա նախագծի կողմից այսօր գործարկվեց առաջին հայկական թեմատիկ վիդեո բլոգը: Բլոգը պատրաստվել է «ՄՈԼՈՐԱԿ» նախագծի շրջանակներում (պայմանների հետ ծանոթացեք այստեղ):

Վիդեո բլոգը ղեկավարվելու է Հերմինե Եղիկյանի կողմից: Բլոգում պարբերաբար կներկայացվեն տարաբնույթ հետաքրքիր և ուշագրավ տեսահոլովակներ ինտերնետային տարբեր վիդեոսերվերներից, կհրապարակվեն հեղինակային տեսանյութեր` կապված երևանյան և հայաստանյան իրադարձությունների հետ:

Վիդեո բլոգը նաև հնարավորություն է տալիս հայ ինտերնետ օգտվողներին ուղարկել տեսանյութեր կամ տեսանյութերի հղումներ, որոնք նույնպես կհրապարակվեն բլոգում` համապատասխան բաժնում: Վիդեո բլոգում տեղադրվող բոլոր նյութերի հեղինակային իրավունքները պահպանվում են:

Video-Week.com բլոգը նաև համագործակցության է հրավիրում բոլոր հայ բլոգերներին` անկախ թեմատիկայից:

Բարի գալուստ առաջին հայկական թեմատիկ վիդեո բլոգ Video-Week.com

ArmLinker.com Առաջին հայկական սոցիալական էջանշումների համակարգը

Administrator — Wed, 21 Oct 2009 19:20:40 +0000

Հայկական ցանցում առաջին անգամ ներկայացվում է սոցիալական էջանշումների համակարգ (social bookmarking service), որի անունն է ArmLinker.com:

ինչ է իրենից ներկայացնում էջանշումների համակարգը: Ցանկացած ինտերնետից օգտվող տեղյակ է բրոուզերներում (Internet Explorer, Mozilla Firefox և այլն) կայքի հղման պահպանման գործիքների մասին (ավելի հայտնի «Bookmark this page», «добавить в закладки» անվանումներով): Սակայն համակարգչի բրոուզերում հնարավոր չէ պահպանել հարյուրավոր կայքերի հղումներ, որոնք ամեն պահի կարող են պետք լինել օգտվողին: բրոուզերի աշխատանքը շատ հաճախ կարող է դանդաղել, երբեմն` նույնիսկ կախվել աշխատանքի ընթացքում` ստեղծելով ավելորդ լարվածություններ:

Այս տեսանկյունից, տարատեսակ ու անսահմանափակ քանակությամբ հղումներ պահպանելու (էջանշելու) համար ամենահարմար եղանակը ինտերնետային սոցիալական էջանշումների համակարգերն են (social bookmarking service), որտեղ ցանկացած ժամանակ, ցանկացած վայրից, մուտք գործելով Ձեր հաշվեհամար, կարող եք ավելացնել Ձեր էջանշումները: Համակարգում կարող եք ստեղծել կայքերի անձնական բաժիններ, ըստ որոնց էլ կարելի է դասակարգել սիրելի կամ կարևոր կայքերի ու էջերի, հոդվածների հղումները:

Բացի թվարկված առավելություններից, սոցիալական էջանշումների համակարգը փաստորնե նաև թույլ է տալիս կիսվել կարևոր կամ սիրելի հղումներով այլ օգտվողների հետ, որոնց նույնպես կարող են հետաքրքրել Ձեր կողմից ավելացված հղումները, լինեն դրանք նորություններ, կայքերի հղումներ, հոդվածներ, երաժշտություն կամ լուսանկար:

Կայքում ավելացվող բոլոր հղումները, որոնք նախատեսված են նաև հասարակության համար, հասանելի են լինում համակարգ այցելող բոլոր օգտվողներին կայքի առաջին էջում:

Կայքում պիտակներով կողմնորոշման դեպքում համակարգը կարելի է դիտել նաև որպես հայկական կայքերի կատալոգ` փնտրելով ամենատարբեր թեմատիկ կայքեր, հոդվածներ, երաժշտություն, լուսանկարներ և այլն:

ArmLinker.com համակարգն առաջինն է հայկական ցանցում, որն օգտվողներին առաջարկում է սոցիալական էջանշումների ամբողջական հայկական համակարգ, որից օգտվելն առավել հարմար է:

P.S. ArmLinker սոցիալական էջանշումների համակարգը նաև որակյալ գործիք է հայ վեբմաստերների, ինտերնետային մարքետոլոգների և փրոմոութերների համար…

Եվ այսպես, բարի գալուստ հայկական առաջին սոցիալական էջանշումների համակարգ` www.ArmLinker.com

Վիրտուալ այցեքարտեր

Administrator — Tue, 06 Oct 2009 09:42:30 +0000

Վիրտուալ այցեքարտ – virtual business card` նորամուծություն հայկական ինտերնետում:

ՆեոՄեդիա նախագիծը ներկայացնում է հերթական նորամուծությունը հայկական ցանցի և բիզնես ոլորտի համար: Վիրտուալ բիզնես քարտեր – այսպես է կոչվում ծառայությունը, որն առաջարկում է web-vizitka.com նախագիծը: Ինչ է նշանակում «վեբ-վիզիտկա»… Virtual Business Card, այն է` Ձեր այցեքարտի իմիտացիոոն տարբերակը ինտերնետում, այն տարբերությամբ, որ այն կարող է լինել բաղկացած մի քանի էջերից, մի քանի լեզուներով, կարող է պարունակել օն-լայն կոնտակտային ֆորմա, ինչպես նաև այլ դինամիկ և ֆլեշ տարրեր:

Վիրտուալ բիզնես քարտը կարող է դառնալ Ձեր ընկերության կամ Ձեր առաջխաղացման առաջնահերթ գործոնը համացանոցում: Այսպիսի կոմպակտ կայքի պատվերի արժեքն է ընդամենը 22.000 ՀՀ դրամ, որն, ի դեպ, պարունակում է նաև երկրորդային դոմեյնային անվանում .com .net .biz .info .us .in .org զոնաներից որևէ մեկում, ինչպես նաև անվճար հոսթինգ փաթեթ` 1Գբ ամսեկան թրաֆիքով:

Վիրտուալ բիզնես քարտ (այցեքարտ) պատվիրելու համար այցելեք www.web-vizitka.com հասցեով: