«Կորպորատիվ պատասխանատվություն» սոցիալական ծրագրի շրջանակներում «Մակադամիան ԱՌ» ընկերությունը սկսել է «Ներդրում ի շահ Ապագայի» դասախոսությունների շարք իրականացնել Հայաստանի բոլոր մարզերի, ինչպես նաև Երևան քաղաքի դպրոցներում: «Ներդրում ի շահ Ապագայի» ծրագրի նպատակն է ավագ դասարանների աշակերտների ներգրվաումը ինչպես նաև հետաքրքրության բարձրացումը դեպի տեղեկատվական տեխնոլոգիաներ:

Դասընթացների ընթացքում «Մակադամիան ԱՌ» ընկերության ներկայացուցիչները՝ Արևիկ Հարությունյանը, Օֆելյա Եղիազարյանը, Լուսինե Ավանեսյանը և Արամ Քալանթարյանը, ներածական դասընթացներ են իրականացնում հետևյալ թեմաներով՝

1. Համակարգիչների պատմություն և տեղեկատվական տեխնոլոգիաներ,
2. ՏՏ ոլորում գործող բիզնես գործառույթները, ցիկլերը և ծրագրային ապահովման մեջ գործող մասնագիտացումները և նրանց դերը,
3. «Մակադամիան ԱՌ» ընկերությունը որպես Հայաստանի ՏՏ ոլորտում գործող ընկերություն
4. ՏՏ ֆենոմենը աշխարհում միջազգային խոշոր ընկերությունների օրինակով ինչպես նաև

Արդեն դասախոսություններ են անցկացվել Երևան և Էջմիածին քաղաքներում: Մոտակա ժամանակներում դասախոսություններ են իրականացվելու Շիրակի, Տավուշի և Վայոց Ձորի մարզային՝ ինչպես նաև Երևանի մի շարք դպրոցներում:

2012 թվականին սկիզբ առած «Ներդրում ի շահ Ապագայի» ծրագիրը իրականացվելու է երկու տարի, որի ընթացքում պլանավարվում է դասախոսություններ անցկացնել Հայաստանի Հանրապետության բոլոր մարզերում:

Պատասխանելով մեր հարցերին՝ Օֆելյա Եղիազարյանը նշեց, – «Մենք հավատում ենք, որ բարձր դասարանների աշակերտների ներգրավումը տվյալ դասընթացներում նպաստում է հետաքրքրությանը դեպի ՏՏ ոլորտ, ինչպես նաև խթանում է նրանց ընդհանուր զարգացմանը»:

«Մենք պլանավորում ենք նաև կազմակերպել պարզ «HTML» կայքերի պատրաստման դաընթացներ՝ ավելի մեծ հետաքրքրություն առաջացնելու նպատակով: Հայտնի է, որ արդյունքի ակնկալիքները մեծացնում են հետաքրքրությունը դեպի ուսուցման պրոցես, իսկ ինչ-որ սեփական կայքի ստեղծումը դարձնում է ընթացքը ավելի ինտերակտիվ և ուսուցողական», – ավելացրեց Արևիկ Հարությունյանը:

Մակադամիան ԱՌ ընկերության մասին մանրամասնությունների մասին այցելեք www.macadamian.com և հետևեք նորություններին Twitter սոցիալական ցանցում @macadamianlabs հասցեով:

Թողեք Ձեր մեկնաբանությունը՝