Երկօրյա Chrome Hackathon.  GTUG Հայաստանի 4-րդ հանդիպում

2011 թվականի օգոստոսի 27-ին և 28-ին GTUG Հայաստանը (Google technology User Group Armenia) կազմակերպելու է երկօրյա Chrome Hackathon` միանալով ԱՊՀ երկների GTUG խմբերի համընդհանուր Hackathon-ին:

Ինչ է այն իրենից ներկայացնում

Chrome Hackathon-ի  մասնակիցները միևնույն սրահում փորձելու են Chrome դիտարկիչն  օգտագործողների կողմից առաջադրված ցանկություններից որոշներն իրագործել:

Առաջադրանքները լուծելու համար հարկավոր  է լինելու գրել հավելումներ (extensions) Chrome դիտարկիչի համար, կամ ստեղծել Chrome Web Apps ծրագրեր: Երկօրյա այս Hackathon-ը հանդիսանում է միջոցառումների շարքի առաջին ու կարևորագույն մասը: Hackathon-ի ընթացքում մասնակիցներին Google+ Hangout-ի միջոցով կօգնեն Google-ի աշխատակիցներ Ilmari Heikkinen-ը (Developer Programs Engineer) Մոսկվայից և Mike West-ը (Chrome Advocate) Սանկտ Պետերբուրգից:

Միջոցառման մյուս մասն իրենից ներկայացնելու է Hackathon-ի արդյունքում ստեղծված հավելումների և ծրագրերի օնլայն մրցույթ-քվեարկություն, որը շարունակվելու է օգոստոսի 29-ից մինչև հոկտեմբերի 8-ը ընկած ժամանակահատվածում: Միջոցառման երրորդ մասում` հոկտեմբերի 9-ին, Մոսկվայի Գուգլյան գրասենյակում տեղի կունենա DemoFest միջոցառումը, որի ժամանակ կներկայացվեն օնլայն մրցույթի արդյունքերով որոշված լավագույն լուծումները:

Միջոցառման եզրափակումը կլինի հոկտեմբերի 10-ին` GDD 2011 Moscow ամենամյա միջոցառման ժամանակ, որտեղ առաջին 3 հորիզոնականները զբաղեցնող մասնակիցները կստանան Mac Book Air համակարգիչներ, իսկ 4-րդ և 5-րդ տեղերը զբաղեցնողները` այլ արժեքավոր նվերներ:

Բոլոր ծրագրավորողներն իրենց հետ պետք է ունենան պորտատիվ համակարգիչ (նոթբուք կամ նեթբուք` ըստ ցանկության):

Ժամանակացույց.

Միջոցառումն ընթանալու է 4 փուլով.

1. Chrome Hackathon `  Օգոստոսի 27-28
2. Chrome Contest ` Օգոստոսի 29 – հոկտեմբերի 8 . մեկամսյա օնլայն-մրցույթ, ծրագրավորողները ավարտին են հասցնում իրենց հավելումներն ու ծրագրերը և պատրաստվում եզրափակչին:
3. DemoFest (եզրափակիչ)` Հոկտեմբերի 9 . Կայանալու է Google-ի Մոսկվայի գրասենյակում:
4. Հողթողների որոշում և մրացանակների հանձնում GDD 2011 Moscow-ի ժամանակ ` Հոկտեմբերի 10:

Chrome Hackathon-ի օրակարգ  (Օգոստոսի 27-28)

Օր առաջին

• Բացման արարողություն — Mike West, Chrome Advocate — G+ Hangout միացում Սանկտ Պետերբուրգից
• Կոդինգի առաջին սեսիա —Mike-ի և Ilmari-ի օգնությամբ` G+ Hangout և GTalk
• Ընդմիջում
• Կոդինգի երկրորդ սեսիա – Mike-ի և Ilmari-ի օգնությամբ` G+ Hangout և GTalk

Օր երկրորդ

• Բացման արարողություն — Mike West, Chrome Advocate — G+ Hangout միացում Սանկտ Պետերբուրգից
• Կոդինգի երրորդ սեսիա — Mike-ի և Ilmari-ի օգնությամբ` G+ Hangout և GTalk
• Ընդմիջում
• Պատմություն Chrome Web Store-ի մասին — Alexey Shelestenko, Chrome Web Store, Product Marketing Manager — G+ Hangout միացում Մոսկվայից
• DemoFest-ի նախապատրաստում — Mike-ի և Ilmari-ի օգնությամբ` G+ Hangout և GTalk
• Նախնական DemoFest — ստեղծված նախագծերի նախնական կարգավիճակի հրապարակում
• Եզրափակում

Մրցույթի եզրափակիչ փուլի ժյուրիի կազմը

Gene Sokolov (Engineering Director)
Mike West (Chrome Advocate) 
Ilmari Heikkinen (Developer Programs Engineer)
Stepan Chop (Consumer Operations)

Հետաքրքրե՞ց, ուրեմն առաջ!
Hackathon-ին մասնակցելու համար մասնակիցները պետք է պարտադիր գրանցվեն ԱՅՍՏԵՂ: