IT ակումբի 25-րդ հանդիպումը տեղի ունեցավ նոյեմբերի 19-ին` մեկ շաբաթ ուշացումով, քանի որ ակումբի կազմակերպիչները նախորդ շաբաթ գտվնում էին Վրաստանում անցկացվող GITi միջազգային ՏՀՏ միջոցառմանը:

Ակումբի 25-րդ հանդիպմանը Վրաստանից մրցանակներով վերադարձած 5 կազմակերպությունների ներկայացուցիչները, ինչպես նաև CAPS ծրագրի ՏՏ կլաստերի համակարգող Արմեն Մարտիրոսյանը և UITE Expo ընկերության տննօրեն Վահան Հովեսփյանը ներկայացրին իրենց տպավորությունները վրաստանյան ՏՀՏ միջոցառումից:

Մասնավորապես խոսվեց միջոցառման ժամանակ հայկական պատվիրակության համախմբվածության և հայկական մասնավոր ՏՏ սեկտորի առաջխաղացվածության մասին:

IT ակումբի հանդիպմանը ներկայացվեց նաև NetFM հայկական ռոք ուղղվածության օն-լայն ռադիոկայանը: Օն-լայն ռադիոյի հիմնադիրները` Պետիկ Ավետիսյանը, Մհեր և Վահան Պողոսյանները, խոսեցին ռադիոկայանի նպատակների և հնարավորությունների մասին, ինչպես նաև պատասխանեցին ներկաներից շատերի հարցերին:

IT ակումբի և NetFM ռադիոկայանի միջև ձեռք բերվեց նաև փոխադարձ ինֆորմացիոն աջակցության պայմանավորվածություն:

Հետաքրիր նախաձեռնության մասին խոսեց նաև IT ակումբի «հնաբնակներից» Սամվել Մաչանյանը, որը ներկայացրեց իր և ընկերների կողմից ստեղծված ITBusinessArmenia.com կայքը:

«Մեր նպատակն է ունենալ այնպիսի կայք, որտեղ հավաքված կլինեն հայկական ՏՏ ոլորտի բոլոր ընկերությունները, որոնք առաջարկում են տարբեր ծառայություններ, ծրագրային կամ սարքային լուծումներ: Կայքը կօգնի ողջ աշխարհին ճանաչելի դարձնել ՏՏ ոլորտում գործող հայկական ընկերությունները»,- ներկայացնելով նորաբաց www.ITBusinessArmenia.com-ը` PCNews.am-ի լրագրողի հետ զրույցում նշել է կայքի հեղինակ Սամվել Մաչանյանը:

Հանդիպման ժամանակ ներկայացված նյութերի հղումներ.

www.NetFM.am – հայկական առաջին օն-լայն ռոք ռադիո
www.ITBusinessArmenia.com – Հայկական ՏՀՏ ընկերությունների կատալոգ
GITi 2010 վրաստանյան ՏՀՏ միջոցառում

IT Club 25 լուսանկարներ.

[Show as slideshow]

12►

Թողեք Ձեր մեկնաբանությունը՝