356 օր, 206 երկրներ և ընդամենը մեկ առաքելություն. Expedition 206-ի խումբը սեպտեմբերի 13-ին Երևանում է:

Երջանկության գաղտնի և տարաբնույթ բանաձևերի որոնումներով, այս խումբը (www.expedition206.com) Կոկա-Կոլայի նախաձեռնությամբ մեկ տարվա ընթացքում այցելում է աշխարհի բոլոր 206 երկրներ, որտեղ հանդիպումներ է ունենում տեղացիների տարբեր ոլորտները ներկայացնող մարդկանց և խմբերի հետ:

Նպատակը մեկն է` հասկանալ տարբեր երկրների և մշակույթների առանձնահատկությունները և այդ ամենը տարածել համացանցում` սեփական բլոգներում, միկրոբլոգներում և այլուր:

Expedition 206-ը բաղկացած է 3 տարբեր ազգությունների ներկայացուցիչներից. Տոնյոն` Մեքսիկայից (Toño from Mexico), Քելլին` Բելգիայից (Kelly from Belgium) և Թոնին` Գերմանիայից (Tony from Germany):

Եվ այսպես, Expedition 206-ը նախաձեռնության անձնակազմը արշավների 257-րդ օրը կլինի Հայաստանում: Այստեղ խումբը կլինի ընդամենը 1 օրով (սեպտեմբերի 13, երկուշաբթի), որի ընթացքում նրանք կայցելեն մի քանի գեղատեսիլ վայրեր, կշրջեն Երևանում, ինչպես նաև կհանդիպեն հայ բլոգերների հետ:

Բլոգերների հետ հանդիպումը տեղի կունենա The Club ակումբում 15:00 – 17:00-ին (Թումանյան 40, Punto Zara խանութի շենքի նկուղային մաս): Հատկանշական է, որ Expedition 206-ի անդամները բոլորն էլ բլոգերներ են, որոնք պատրաստվում են հայ բլոգերների հետ կիսվել իրենց երևանյան տպավորություններով, զրուցել տարաբնույթ հարցերի շուրջ և տարածել տպավորություններ Հայաստանից…

Բոլոր բլոգերները, որոնք հետաքրքրված են այս արշավախմբի աշխատանքով, հետաքրքրություններով, կամ ուղղակի ցանկանում են զրուցել նրանց հետ,  կարող են մասնակցել The Club-ում տեղի ունենալիք հանդիպմանը:

Եվ այսպես, ինչպես իրենք են նշում` երջանկության դեսպանները գալիս են Երևան. ԲԱՐԻ ԳԱԼՈՒՍՏ ՀԱՅԱՍՏԱՆ, Expedition 206 !!!

Այլ տեղեկություններ.

• Expedition 206 պաշտոնական կայք` www.expedition206.com
• Expedition 206 խմբի Twitter` twitter.com/x206
• Expedition 206-ի և հայ բլոգերների հանդիպման ֆեյսբուքյան event-էջը` http://www.facebook.com/event.php?eid=152093231482529