Փոստատան հաշվապահն անհետացել է 1,3 մլն եվրոյով
Հունաստանում փոստատան ծառայողն անհետացել է ռեկորդային քանակությամբ կանխիկ գումարով, հայտնում են տեղական հեռուստաալիքները։
Կենտրոնական Հունաստանի Լարիսա քաղաքի կենտրոնական փոստատան աշխատակիցները երկուշաբթի առավոտյան զարմացել են՝ հայտնաբերելով, որ բաժնի գլխավոր հաշվապահը չի ներկայացել աշխատանքի։ Նրանք ավելի են զարմացել, երբ չհրկիզվող պահարանում փողերի փոխարեն հագուստ են հայտնաբերել։
Ինչպես հայտնում է «Ռիա նովոստին», հաշվապահի հետ միասին անհետացել է 1,3 մլն եվրոյի կանխիկ գումարը, ինչի պատճառով Լարիսայում թոշակներն ուշացումով են բաժանվել։ Ոստիկանությունը որոնում է անհետացած հաշվապահին և փորձում պարզել, թե ինչպես է չհրկիզվող պահարանի պարունակությունը հասանելի եղել միայն վերջինիս համար։
Աղբյուրը` Թերթ.am
Հոդվածի գրանշումներ (tags)` Million Euro, Լարիսա, հաշվապահ, Հունաստան, միլիոն Եվրո, փոստատուն| Tweet |
Հոդվածի դիտումների քանակը` 1,722









Թողեք Ձեր կարծիքը կամ մեկնաբանությունը.