RSF-ը դատապարտում է Անկարային
«Լրագրողներ առանց սահմանների» իրավապաշտպան կազմակերպությունը (RSF) դատապարտել է Թուրքիայի հեռարձակման վերահսկողության պետական կառույցին (RTUK)` Haberturk հեռուստաալիքով հեռարձակվող Teke Tek հեռուստածրագիրը փակելու առնչությամբ կայացրած որոշման համար: Այս մասին տեղեկացնում է թուրքական Zaman օրաթերթը:
Հիշեցնենք, որ օրեր առաջ RTUK-ը որոշում էր կայացրել դադարեցնել թուրքական Haberturk հեռուստաալիքով հեռարձակվող Ֆաթիհ Ալթայլըի Teke Tek հեռուստածրագիրը, որի շրջանակում ժամանակ առ ժամանակ ուղիղ եթերով քննարկվում էր Հայոց ցեղասպանության հարցը:
Հեռուստանախագծի կասեցման պատճառ էր դարձել հաղորդումներից մեկի ժամանակ պոլսահայ ականավոր լեզվաբան, գրող-հրապարակախոս Սևան Նիշանյանի` Հայոց ցեղասպանության փաստի առնչությամբ տեսակետներին բարձրաձայնումը: RTUK-ն իր որոշման մեջ ընդգծել էր, որ Նիշանյանի կողմից Հայոց ցեղասպանության վերաբերյալ հնչեցրած տեսակետները «անցել են քննադատության բոլոր սահմանները», ինչպես նաև պարունակում են «վիրավորանքի» տարրեր:
Այլ նմանատիպ նորություններ
Թողեք Ձեր մեկնաբանությունը՝
Հոդվածի դիտումների քանակը` 2,916
