NEoVision սոցիալական մեդիա և բլոգինգ տեխնոլոգիաներին և գործիքներին նվիրված սեմինարների երևանյան երկրորդ օրը ամբողջությամբ ընդգրկում էր բլոգային WordPress CMS համակարգն ու նրանում աշխատելու հմտությունները: Երևանյան սեմինարի առաջին օրվա համեմատ, երկրորդ օրն անցավ գործնական մթնոլորտում:

Սեմինարի մասնակիցները լսեցին, թե ինչպես ստեղծել սեփական անկախ բլոգը (stand alone): Մասնակիցներին WordPress CMS համակարգը ներկայացրին ՆեոՄեդիա նախագծի համահեղինակներ Վարդան Պապիկյանն ու Վարդան Գրիգորյանը:

Այնուհետև, ներկայացվեց արդեն WordPress CMS համակարգի վրա աշխատող հայկական բաց բլոգ-պորտալը` www.ArmenianOpen.net-ը, որտեղ մասնակիցներից յուրաքանչյուրը կարող է դառնալ համահեղինակ:

Սեմինարի վերջնամասում մասնակիցների հետ տեղի ունեցավ երկարատև հարց ու պատասխան:

Հիշեցնենք նաև, որ NeoVision-ի շրջանակներում հաջորդ սեմինարը տեղի կունենա Գյումրի քաղաքում հուլիսի 9-ին և 10-ին, սկիզբը` 13:00: Գյումրու սեմինարի մասին տես այստեղ: Գյումրի և Վանաձոր քաղաքներում տեղի ունենալիք սեմինարների մասնակիցների գրանցումը կշարունակվի մինչև հուլիսի 8-ը ներառյալ:

Երևանյան սեմինարի կազմակերպմանն աջակցելու համար հատուկ շնորհակալություն ենք հայտնում ԳՈՐԾՔ ընկերությանը:

[Show as slideshow]

12►