NeoVision ծրագրի շրջանակներում սոցիալական մեդիա և բլոգինգ տեխնոլոգիաների վերաբերյալ ամառային սեմինարների երկրորդ մասը տեղի ունեցավ Գյումրիում հուլիսի 9-ին և 10-ին: Նախապես հրապարակված սեմինարի օրակարգի համաձայն, մասնակիցներին ներկայացվեցին սոցիալական մեդիա ոլորտի և գործիքների մասին մանրամասներ. ինչպես և որ դեպքերում օգտագործել սոցիալական մեդիա գործիքները, ինչ մեթոդներ կան ինտերնետային մեդիան օգտագործելու համար:

Սոցիալական մեդիա գործիքների շարքում հատուկ ընդգծվեցին Facebook.com, Twitter.com, LinkedIn.com, Google Buzz սոցիալական ցանցերն ու միկրոբլոգային հարթակները:

ՆեոՄեդիա նախագծի համահեղինակներ Վարդան Պապիկյանի և Վարդան Գրիգորյանի կողմից ներկայացվեցին նաև մի քանի հայկական սոցիալական մեդիա գործիքներ և հարթակներ, մասնավորապես` Armenix.com հայկական միկրոբլոգային համակարգն ու ArmFeeds.com հայկական բլոգային ագրեգատոր համակարգը:

Երկօրյա սեմինարների ընթացքում մասնակիցներին ներկայացվեցին նաև համացանցում առավել օգտագործվող և արդյունավետ բլոգային հարթակները` WordPress, Blogspot և Livejournal համակարգերը: Ձեռք Հ/Կ ներկայացուցիչ Արմեն Հովհաննիսյանի կողմից մասնակիցներին ներկայացվեց Livejournal.com բլոգային հարթակն իր հնարավորություններով, յուրահատկություններով և տարբերություններով: Որպես օրինակ, ստեղծվեց նոր բլոգ մասնակիցներին մեկի համար, որի վրա էլ ցուցադրվեցին մանրամասները:

Սեմինարի առաջին օրվա վերջնամասում իր անձնական մոտեցումները ներկայացրեց Գյումրեցի բլոգեր Լուսինե Բարսեղյանը: Եղան բազմաթիվ հարցեր, որոնցից շատերը նույնիսկ ընդգրկեցին ինտերնետային կոմերցիայի և որոնողական առաջխաղացման ոլորտները:

Գյումրի քաղաքի սեմինարի երկրորդ օրն արդեն մասնակիցները լսեցին թեմատիկ և մասնագիտական բլոգների յուրահատկությունների մասին մանրամասներ, որի շրջանակում էլ մարքետոլոգ Լուսինե Նալբանդյանը ներկայացրեց իր մասնագիտական մոտեցումները թեմայի շուրջ:

Երկրորդ օրվա կարևոր հատվածներից էր նար Worpdress.com բլոգային տիրույթում նոր բլոգ գրանցելու և բլոգը ղեկավարելու մասը, որը ներկայացրեցին ՆեոՄեդիա նախագծի ադմինիսրտատորները:

Օրվա վերջում արդեն ներկայացվեց ArmenianOpen.net հայկական բաց բլոգ-պորտալը, ինչպես և նախորդ անգամ, սեմինարի մասնակիցները հրավիրվեցին միանալ բաց բլոգ-պորտալին և դառնալ համահեղինակներ:

Ընդհանուր առմամբ, Գյումրի քաղաքի երկօրյա սեմինարներն անցան բավականին ակտիվ և դինամիկ մթնոլորտում:

Գյումրի քաղաքի սոցիալական մեդիա և բլոգինգ սեմինարի կազմակերպչական աշխատանքներին մեծ աջակցություն ցուցաբերեց բլոգեր Լուսինե Բարսեղյանը, որի համար հատուկ շնորհակալություն ենք հայտնում նրան:

Հատուկ շնորհակալություն նաև Գյումրու ՀՊՃՀ (պոլիտեխնիկ) մասնաճյուղին, մասնավորապես, տնօրեն Պ-ն Շահբազյանին` սեմինարներին աջակցելու համար:

NeoVision սեմինարների ամառային շարքի հաջորդ և վերջին կանգառն է Վանաձոր քաղաքը, որտեղ սեմինարը տեղի կունենա հուլիսի 16-ին և 17-ին Վանաձորի մանկավարժական համալսարանում, սկիզբը` 10:00

Վանաձորի սեմինարի օրակարգը կհրապարակենք շուտով: Վանաձորի սեմինարին մասնակցելու համար գրանցվեք այս էջում:

[Show as slideshow]

12►

Թողեք Ձեր մեկնաբանությունը՝