2010թ. հունիսի 8-ին ARMACAD-ի (Հայկական ակադեմիական համագործակցության և օժանդակության ասոցիացիա) կողմից կազմակերպվել էր սեմինար` նվիրված հայերեն վիքիփեդիայի զարգացմանը: Սեմինար-քննարկմանը մասնակցում էին ավելի քան 50 մասնակիցներ, որոնք հետաքրքրված էին հայերեն բովանդակության ր վիքիփեդիայի զարգացմամբ:

Սեմինարը վարում էին վիքիփեդիայում մեծ փորձ ունեցող մասնագետները, որոնք տարբեր օրինակներում ցուցադրեցին, թե ինչպես կարելի է գրանցվել վիքիփեդիայում, հրապարակել հոդվածներ, կատարել խմբագրումներ և մասնակցել վիքիփեդիայի ներքին խորհրդակցություններին:

Քննարկման ժամանակ հնչեցին բազմաթիվ մտքեր` կապված հայերեն բովանդակության, ներքին և արտաքին ռեսուրսների հետ: Մասնավորապես հնչեց միտք, որ հարկավոր չէ մեծ տեղ հատկացնել վիքիփեդիային (wikipedia.org), քանի որ այն ուղղակիորեն հանդիսանում է այլ երկրի ռեսուրս, և հարկավոր է ունենալ սեփական հայկական մեծ ռեսուրս, որը լցված կլինի միայն հայերեն բովանդակությամբ, և որն էլ հետագայում կծառայի որպես ուսուցողական և տեեկատվական կենրտոնացված հանգույց:

Մասնակիցները մեծամասամբ եկան մի եզրահանգման, որ հարկվոր է նաև ուշադրություն դարձնել վիքիփեդիայի հայերեն բովանդակությանը, սակայն նաև ապահովել հայկական ներքին ռեսուրսների զարգացումը:

[Show as slideshow]