Երևան, հուլիսի 2 և 3 / 18:00 – Սոցիալական մեդիա և բլոգինգ. տեսական և պրակտիկ երկօրյա սեմինար (1)

NeoVision սոցիալական մեդիա և բլոգինգ սեմինարների շարքից երևանյան սեմինարը տեղի կունենա հուլիսի 2 և 3-ին Սարմենի 1 հասցեում գտնվող «Գործք» ընկերության սեմինարների և հանդիպումների սրահում (Մուտքը` Գեղարվեստի ակադեմիայի շենքի ետնամաս): Սեմինարները կսկսվեն երեկոյան 18:00 և կշարունակվեն մինչև 21:00:

Սեմինարներին կարող են մասնակցել բոլոր ուսանողները, սակայն մասնակիցների թիվը սահմանափակ է (մինչև 30): Սեմինարները անվճար են և հետապնդում են հայ երիտասարդության շրջանում հետաքրքրության բարձրացում սոցիալական մեդիա միջավայրի և, մասնավորապես, բլոգոսֆերայի և միկրոբլոգինգի հանդեպ (Երևանում, Գյումրիում կամ Վանաձորում սեմինարներին մասնակցելու համար գրանցվեք այստեղ):

NeoVision սեմինարները կպարունակեն երկու մաս. տեսական և պրակտիկ:

Երևանյան սեմինարի անցկացման տեղադրությունը.

ՍԵՄԻՆԱՐՆԵՐԻ ՕՐԱԿԱՐԳ

Երկօրյա սեմինար Սոցիալական մեդիա և բլոգինգ, Երևան. Հուլիսի 2, 3, 18:00 – 21:00

Օր առաջին. տեսական մաս

• Ներածություն. Սոցիալական մեդիա. ինչ նշանակություն ունի այսօր սոցիալական մեդիան և ինչ հնարավորություններ է տալիս ժամանակակից մարդուն:

Սոցիալական մեդիա գործիքներ և սոցիալական ցանցեր.

• Facebook և Twitter ցանցերը` որպես սոցիալական մեդիա գործիքներ և բլոգային զոնաներ.Սոցիալական ակտիվ խմբեր, հեղինակային հրապարակումներ և հաղորդագրություններ, կազմակերպությունների կորպորատիվ խմբեր և ֆան-էջեր. Վարող` Վ. Պապիկյան և Վ. Գրիգորյան

Սոցիալական մեդիա գործիքներ. Ծանոթացում բլոգային պլատֆորմների հետ

• Ծանոթացում Blogger (BlogSpot.com) բլոգային համակարգի հետ. Վարող` Վ. Պապիկյան և Վ. Գրիգորյան
• Ծանոթացում WordPress (WordPress.com) բլոգային համակարգի հետ. Վարող` Վ. Պապիկյան և Վ. Գրիգորյան
• Ծանոթացում Livejournal համակարգի հետ. Վարող` Ռուզան Հարությունյան

Բլոգոսֆերա. անձնական մոտեցումներ

• Մասնագիտական և թեմատիկ բլոգներ. մասնագիտական բլոգի յուրահատկությունները, նպատակներն ու առավելությունները: Ում է անհրաժեշտ ունենալ մասնագիտական և թեմատիկ բլոգ: Ներկայացնող` Լուսինե Նալբանդյան, մարքետոլոգ

Օր երկրորդ. պրակտիկ մաս

Ներածություն. Որ միջավայրերում ստեղծել և առաջխաղացնել անհատական, թեմատիկ կամ կորպորատիվ բլոգները: Բլոգների թարմացման պարբերականություն, թեմատիկայի ընտրություն, լսարանի յուրահատկությունները և այլ հարցեր` կապված բլոգային ռեսուրսների հետ:

Պրակտիկ գործողություններ պրոֆեսիոնալ բլոգային ռեսուրսում (աշխատող WordPress համակարգի հիման վրա): Վարողներ` Վ. Պապիկյան և Վ. Գրիգորյան

• Բլոգային ռեսուրսում հրապարակվող նյութի կազմվածք և ծավալ: Նյութի կամ գրառման հրապարակման էթիկա. Տեքստի ձևավորում: Տեքստի հետ տեղադրվող պատկերների ընտրություն: WordPress CMS համակարգի գործիքների կիրառումը տեքստի և բովանդակության հրապարակման համար:
• Գրանշումների (Tags, պիտակներ/նշագրումներ) օգտագործումը բլոգային ռեսուրսում հրապարակումների համար:
• Բլոգային ռեսուրսի բաժիններ. ինչպես ստեղծել բլոգի բաժինները և ինչ անվանումներով: Բլոգի ստատիկ էջերը և նրանց նշանակությունը:
• Բլոգային ռեսուրսի վիջետներ (Widgets): Ինչ սկզբունքներով օգտագործել վիջետները բլոգում: Ինչպես ավելացնել հավելյալ վիջետներ բլոգում:
• Բլոգային ռեսուրսի հեղինակներ. ինչպես ստեղծել բազմահեղինակ բլոգ կամ բլոգ-պորտալ:
• Բլոգի ընդհանուր դիզայն. պատրաստի շաբլոնների կիրառում: Ռեսուրսներ, որտեղից հնարավոր է օգտվել WordPress համակարգի պատրաստի շաբլոններից:

NeoVision բլոգային բազմահեղինակային պորտալի ներկայացում և հրավեր:

• Ովքեր կարող են դառնալ NeoVision բլոգ-պորտալի համահեղինակներ և ինչ գրառումներ ու հրապարակումներ կարող են կատարել բլոգ-պորտալի համահեղինակները:

** Սեմինարի մասնակիցները ցանկալի է, որ ունենան իրենց հետ համակարգիչներ և ինտերնետ` պրակտիկ աշխատանքներում ավելի ներգրավված լինելու համար:

** Մասնակիցներին կտրվեն սեմինարների տպագիր նյութերը, գրառումների համար պիտույքներ (բլոկնոտ և գրիչ) և սկսնակ բլոգերի ուղեցույց:

——————————————

Հիշեցնենք նաև, որ Սոցիալական մեդիա և բլոգինգ սեմինարները տեղի կունենան նաև Գյումրիում և Վանաձորում` 2010թ. հուլիս ամսվա ընթացքում: Նշված սեմինարներին գրանցվելու համար այցելեք այստեղ

Սոցիալական մեդիա և բլոգինգ սեմինարների կազմակերպիչներն են ՆեոՄեդիա նախագիծը և «Ձեռք» Հասարակական Կազմակերպությունը:

Տես նաև ՆեոՄեդիա նախագծի կողմից կազմակերպված նախորդ սեմինարի մասին տեղեկությունները տես այստեղ.

Սոցիալական մեդիա և բլոգինգ սեմինար. օր 1 //  Սոցիալական մեդիա և բլոգինգ սեմինար. օր 2-րդ

Թողեք Ձեր մեկնաբանությունը՝