Հայաստանին է պատկանում աշխարհի ամենահին կոշիկը ))

1000 տարով ավելի հին, քան եգիպտական բուրգերը եւ 400 տարով ավելի հին, քան Քարահունջը. Հայաստանի Վայոց Ձոր Մարզում հնագետները քարանձավում, գոմաղբի մեջ թաղված կոշիկ են հայտնաբերել` զարմանալիորեն լավ պահպանված վիճակում:

5,500 տարվա պատմություն ունեցող կոշիկը, փաստորեն, աշխարհի ամենահին կաշվե ոտնամանն է:

Կոշիկի փոքր չափսը ենթադրվում է, որ կանացի է, թեւ գիտնականների հավաստմամբ, այդ դարաշրջանում փոքր չափսի ոտնաման կարող էր կրել նաեւ արական սեռի ներկայացուցիչը: Ոտնամանի լավ պահպանմանը նպաստել են սառը եւ չոր եղանակային պայմանները: Բացի այդ, քարանձավի հատակը պատված է եղել ոչխարի կաշվով ու գոմաղբի հաստ շերտով, ինչը նույնպես պաշտպանիչ դեր է կատարել:

Երկիր Մեդիա