Ինչպես արդեն նախապես տեղեկացրել էինք, այս ամռանը սպասվում էր սոցիալական մեդիա և բլոգինգ սեմինարների շարք` նախատեսված ուսանողների համար, որը կազմակերպվում է համատեղ ՁԵՌՔ Հ/Կ և ՆեոՄեդիա նախագծի կողմից: Այժմ արդեն սկսվում է սեմինարների մասնակիցների գրանցման գործընթացը:

Սեմինարները տեղի կունենան Երևանում, Գյումրիում և Վանաձորում` մեկական անգամ: Առաջին սեմինարը տեղի կունենա Երևանում հուլիսի 2-ին և 3-ին, ժամը` 18:00 / Տես երևանյան սեմինարի մասին այստեղ /: Գյումրի քաղաքում սեմինարները տեղի կունենան հուլիսի 9-ին և 10-ին, սկիզբը` 13:00 / Տես Գյումրու սեմինարնի մասին այստեղ /: Վանաձորում տեղի ունենալիք միջոցառման մասին կտեղեկացնենք շուտով:

Սեմինարների մասին.

NeoVision սեմինարները կպարունակեն երկու մաս. տեսական և պրակտիկ:

Տեսական մասում սեմինարների մասնակիցներին կներկայացվեն սոցիալական մեդիա ոլորտի, նոր մեդիա գործիքների և բլոգինգ-տեխնոլոգիաների մասին ընդհանուր տեղեկություններ: Սեմինարների այս մասը կվարեն հայկական սոցիալական մեդիա ոլորտի և բլոգոսֆերայի առաջատար մասնագետներ և բլոգերներ, որոնք իրենց տեսանկյուններից կներկայացնեն ոլորտի առանձնահատկությունները:

Պրակտիկ մասում ՆեոՄեդիա նախագծի ղեկավարները սեմինարների մասնակիցներին հակիրճ կսովորեցնեն բացել անհատական բլոգ WordPress.com և Blogspot.com համակարգերում, իսկ առավել մանրամասն կանցկացվի ուսուցում` ինչպես կատարել գրառումներ և հրապարակումներ WordPress համակարգի հիման վրա աշխատող կայքում:

Սեմինարները կլինեն երկօրյա, որոնցից յուրաքանչյուրը նախատեսվում է 4 ժամ` մեկ ընդմիջումով:

Երևանում, Գյումրիում և Վանաձորում տեղի ունենալիք սեմինարների վայրի, ամսաթվի, օրակարգի և այլ մանրամասների մասին կհրապարակենք շատ շուտով:

Այժմ արդեն Դուք կարող եք գրանցվել սեմինարներին. /Երևան, Գյումրի, Վանաձոր /

Այլ տեղեկությունների համար կապվեք սեմինարի կազմակերպիչների հետ.

Հեռ.` (094) 339488 begin_of_the_skype_highlighting              (094) 339488      end_of_the_skype_highlighting, (093) 608606, E-Mail: Seminar@neomedia.am

ՆեոՄեդիա նախագիծ և ՁԵՌՔ Հ/Կ

————————————————————

NeoVision սեմինարների իրագործմանը աջակցում է Հայաստանի ԱՄՆ շրջանավարտների ասոցիացիան (US Alumni Association of Armenia): Սեմինարները կազմակերպվում են iSOCIAL նախաձեռնության և iReport.am բլոգ-պորտալի աջակցությամբ