Միկրոբլոգային աշխարհահռչակ Twitter.com համակարգը վերջապես հրապարակեց իր նոր գովազդային մոդելի մանրամասները, որի միջոցով համակարգի ղեկավարությունը կսկսի մոնետիզացնել իր հանրահայտությունը:

Արդեն այսօրվանից` ապրիլի 13-ից, Twitter-ը սկսում է ցուցադրել գովազդային հայտարարություններ իր որոնողական համակարգում կատարված որոնողական արդյունքների հետ միասին: Այս գովազդային պլատֆորմը կոչվում է Promoted Tweets.

Գովազդատուները կարող են գովազդել իրենց «թվիթները» (tweets), որոնք կհրապարակվեն որոնողական արդյունքներից առաջ` վերնամասում, այնպես, ինչպես այդ դեպքերում կատարվում է Google որոնողական համակարգում կոնտեքստային գովազդային տեքստերի ցուցադրության ժամանակ: Սակայն, մեկ էջում կցուցադրվի միայն մեկ գովազդային «թվիթ»:

Twitter-ի ներկայացուցիչների խոսքերով, այս գովազդային մոդելը թույլ կտա ապահովել կայուն եկամուտ:

P.S. Ինձ մոտ դեռևս ոչ մի կերպ չի ցուցադրվում գովազդային հայտարարություն Կարծում եմ պատճառը գովազդային հրապարակումների թիրախավորումն է, որի դեպքում Հայաստանից կատարված հարցումները չեն ընկնում գովազդային զոնայի մեջ…

Անհայտ է դեռևս նաև այն, թե ինչ ճանապարհով է կատարվում գովազդի պատվիրումը միկրոբլոգային այս համակարգում. առաջիկայում կփորձենք պարզել և ներկայացնել այդ ամենի մասին:

Վարդան Պապիկյան / iReport.am