IT ակումբ. 15-րդ հանդիպում
IT ակումբի 15-րդ հանդիպումը տեղի ունեցավ ապրիլի 2-ին Ամերիկյան համալսարանի բիզնես կենտրոնում, որին ներկա եղան մեծաթիվ մասնակիցներ ինչպես հայկական ՏՀՏ բիզնես ոլորտներից, այնպես էլ լրատվամիջոցներից և հայկական ԲՈՒՀ-երից: Հանդիպումը նաև հագեցած էր հետաքրքիր թեմաներով. ընդհանուր առմամբ խոսվեց 5 թեմաների շուրջ, որի պատճառով էլ հանդիպումը նախատեսված 2 ժամի փոխարեն շարունակվեց 3 ժամ:
Հանդիպման ընթացքում CQG ընկերությունը ներկայացրեց իրենց կազմակերպության կողմից առաջարկվող ուսանողների պրակտիկայի ընդունելության հնարավորությունները: AIESEC Հայաստանը արեց աշխատանքային պրակտիկայի հայտարարություն: ԻՏՁՄ տնօրեն Կարեն Վարդանյանը ներկաներին առաջարկեց ստեղծել նոր ծրագրային ապահովում, որը թույլ կտա ինտերնետային միջավայրում տեսանյութերի հիման վրա ստեղծել մեկնաբանություններ հավաքելու հնարավորություն, որն հետագայում կարող է դառնալ ինֆորմացիոն մեծ բազա:
LimeTech ընկերության տնօրեն Գևորգ Սաֆարյանը մասնակիցների հետ քննարկեց իրենց կողմից առաջարկվող MusicBox երաժշտական ինտերակտիվ սարքավորումների կատարելագործման հնարավորությունները:
Հանդիպման վերջում ՀՊՃՀ գաղտնագրության մասնագետ Տիգրան Անդրեասյանը խոսեց գաղտնագրության, կրիպտոգրաֆիայի մասին, որով էլ ավարտվեց հերթական 15-րդ հանդիպումը:
Այլ նմանատիպ նորություններ
| Tweet |
Հոդվածի դիտումների քանակը` 2,066
Թողեք Ձեր կարծիքը կամ մեկնաբանությունը.