Դեռեւս մի քանի տարի առաջ որոշ փորձագետներ կանխատեսել էին, որ ինտերնետը կոչնչացնի հեռուստատեսությունը։ Այս ենթատեքստում էլ պետք է դիտարկել MTV հեռուստաալիքը եւ Comedy Central-ը ղեկավարող ամերիկյան Viacom մեդիակոնգլոմերատի եւ տեսանյութերի փոխանակման YouTube կայքի հակասությունը։

Viacom մեդիակոնգլոմերատի ներկայացուցիչները մեղադրում են YouTube-ին հեղինակային իավունքները ոտնահարելու համար եւ հայց են ներկայացրել դատարան, որով հայտնի YouTube վիդեոհոստինգին մեղադրում են գողության մեջ։

Viacom-ի հայցի մեջ բերվում են YouTube-ի հետ գրառության քաղվածքներ։ Նրանք հայտարարել են, որ ընկերության կողմից վարձված նվազագույնը 18 գործակալներ գիտակցաբար Viacom-ի հոլովակները տեղադրել են YouTube-ում։ Ձայնագրությունը հատուկ մշակել են այնպես, որ երեւա թե դա պատահաբար է հայտնվել ցանցում։ Բացի այդ, տեսահոլովակների մի մասը ներբեռնվել է YouTube-ի հենց աշխատակիցների կողմից։

Հիշեցնենք, որ Viacom-ի եւ YouTube-ի հեղինակային իրավունքների շուրջը բախումը գոյություն ունի 3 տարուց ավելի։ 2007 թվականի փետրվարին Viacom-ը YouTube-ից պահանջեց կայքից հեռացնել ավելի քան 100 տեսաձայնագրություններ։ Նույն տարվա մարտ ամսին Viacom-ը դատի տվեց Google-ին եւ YouTube-ին՝ պահանջելով փոխհատուցել 1 մրդ դոլարի վնասը։ 2008 թվականին Google-ը համաձայնեց տեղեկատվություն տրամադրել Viacom-ին, YouTube-ում նրա տեսահոլովակների դիտման վերաբերյալ՝ հեռացնելով այնտեղից տեղեկատվությունը, որով հնարավոր կլիներ պարզել օգտագործողների ինքնությունը։

Աղբյուրը` News.am