IT ակումբի 13-րդ հանդիպումը տեղի ունեցավ մարտի 4-ին Ամերիկյան համալսարանի բիզնես կենտրոնում, որն այս անգամ անցավ բավականին աշխույժ և հագեցած մթնոլորտում.

Առաջինն իր ներկայացումը սկսեց Հայկ Ակարմազյանը, որը ներկայացրեք իր կոմից ստեղծված նոր կայքը, որի անվանումն է «Մտահաղացումների լաբորատորիա»: Կայքն իրենից ներկայացնում է ինովացիոն եղանակների կիրառմամբ տարբեր բիզնես մտահաղացումներ, որոնք լուսաբանվում են ArmIdea.com կայքում: ՀայկԱկարմազյանը, խոսելով կայքի բնույթի և հնարավորությունների մասին, մասնավորապես նշեց, որ ցանկացած ոք կարող է կիսվել նաև իր մտահաղացումներով` օգտագործելով ArmIdea.com կայքը` որպես հրապարակման հարթակ:

Այնուհետև Microsoft Armenia-ի տնօրեն Գրիգոր Բարսեղյանը ներկաների ուշադրությանը հրավիրեց ընկերության կողմից Հայաստանում ներկայացվող մի քանի բիզնես և այլ լուծումների մասին: Ներկայացվեց Microsoft-ի և Հազարամյակների մարտահրավերներ հայտնի նախագծի շրջանակներում իրականացվող միջոցառումների և նրանց հնարավոր մասնակցության շարքը, որը ժամանակակից լուծումներ առաջարկող անհատների և կազմակերպությունների կողմից առաջարկվող նոր մտքերի և գաղափարների մրցույթ է. Եզրափակիչը, ինչպես նշեց Գրիգոր Բարսեղյանը, տեղի է ունենալու այս տարի Լեհաստանում, մայիսին: Նրերկայացվեցին նաև Bizspark  (www.microsoft.com/bizspark) և այլ նախագծեր Մայքրոսոֆթ հայաստանի կողմից:

Հանդիպման ավարտին հակիրճ խոսեց HSBC Հայաստան բանկի ներկայացուցիչը, որրը հույս հայտնեց, որ հայկական ՏՏ ոլորտը գնալով ավելի մեծ զարգացումներ կունենա և հաջորդ հանդիպումներին իրենք ևս ներկա կգտնվեն IT ակումբի հանդիպումներին:

Նշենք, որ ըստ նախնական պայմանավորվածության` հաջորդ IT ակումբի հանդիպումներից որևէ մեկում Մայքրոսոֆթ Հայաստանը կարող է ներկայացնել CRM համակարգը:

Հատկանշական է նաև այն, որ IT ակումբի 13-րդ հանդիպմանը ներկա էին բավականին շատ նոր մասնակիցներ:

Ներկայացնում ենք նաև հանդիպման մասին ֆոտո-ռեպորտաժ.

iReport.am