Google ընկերությունը շուտով կարող է լքել Չինական հսկայական շուկան…

Google ընկերությունը ծրագրում է դադարեցնել իր համագործակցությունը Չինաստանի հետ արդեն 2010թ. ապրիլի 10-ին: Այդ մասին հաղորդում է չինական The China Business News պարբերականը՝ վկայակոչելով Google գործընկեր գովազդային ընկերության անանուն աղբյուրները:

Պարբերականի տվյալներով, ընկերությունն իր որոշման մասին կհայտնի արդեն առաջիկա օրերին:

Նշվում է, որ ամերիկյան ընկերությունը ծրագրում է պաշտոնապես իր որոշումը հայտնել երկուշաբթի՝ մարտի 22-ին: Այդ ժամանակ էլ կհայտարարվի Google-ի չինական մասնաճյուղի աշխատակիցների հետագա ճակատագրի մասին, նաեւ՝ մասնակի, թե ամբողջությամբ է դադարեցվում աշխատանքը, հաղորդում է AFP-ն:

Նախկինում ամերիկյան որոնողական հսկայի գործադիր տնօրեն Էրիկ Շմիդտը հայտարարել էր, թե Google-ը մտադիր է մնալ Չինաստանում, անգամ իր որոնման համակարգի հարկադիր փակումից հետո:

Աշխատանքը դադարեցնելու որոշումը կայացվել է, երբ հաքերները հարձակվել էին ընկերության փոստային ծառայության վրա: Ընկերության տվյալներով՝ հարձակումն իրականացվել է Չինաստանին:

Աղբյուրը` News.am