Մարդկային մարմինը առաջին անգամ վեր են ածել տվյալների փոխանցման լարի: Կորեական գիտնականները կարողացել են փոխանցել տվյալները մարդու ձեռքի միջոցով 10 մեգաբիթ արագությամբ:

Սեուլի համալսարանի մասնագետները գրել են Journal of Micromechanics and Microengineering գիտական ամսագրում իրենց փորձի մասին, որի ընթացքում մարդու ձեռքին իրարից 30սմ հեռավորության վրա էլեկտրոդներ են տեղադրվել, որոնց միջև էլ կապ է հաստատվել:

Նշված մեթոդը շատ ավելի քիչ էներգատար է քան է Bluetooth-ի միջոցով տվյալների փոխանցումը, քանի որ մաշկի մեջով անցնող էլեկտրամագնիսական ազդանշանները ավելի դանդաղ են մարում քան արտաքին միջավայրով անցնելիս:

Այնուամենայնիվ, փորձի նպատակը ոչ այնքան մարդկանց ինտերնետին միացնելն է, ինչքան այն, որ նոր մեթոդի միջոցով կարելի է արդյունավետ կերպով վերահսկել մարդու վիճակի տվյալները:

Օրինակ դա կարող է օգտագործվել արյան մեջ շաքարի քանակության անդադար ստուգման համար:

Գիտնականները ներկայում համագործակցում են էլեկտրոնիկա արտադրող ընկերությունների հետ, որպեսզի արտադրեն օրգանիզմի վիճակը վերահսկող այնպիսի սարքեր որոնք հնարավոր կլինի տեղադրել մաշկի տակ:

Հենց նմանատիպ սարքերին պետք կգա կաշվի միջոցով տվյալների փոխանցման ալիքը: Ճիշտ է պետք է նշել նաև, որ նրանք օգտագործել են քլորից և արծաթից պատրաստված մեծ և կոշտ էլեկտրոդներ, որոնք առաջացրել են մաշկի բորբոքում:

Գիտնականները ծածկել են մետաղական էլեկտրոդները սիլիկոնա-պոլիմերային թաղանթով, որից հետո կատարել են իրենց փորձերը կամավորների վրա, ինչի արդյունքում համոզվել են, որ այս մեթոդը լուրջ վնաս չի հասցնում մարդու առողջությանը:

Աղբյուրը` hay-teq.com