Հայաստանում ինտերնետային օգտվողների կողմից օգտագործվող էլեկտրոնային փոստային ծառայությունների վիճակագրությունը կարող է շատ բաների մասին խոսել. մասնավորապես` թե որքանով է հայ օգտվողը տեղյակ էլեկտրոնային փոստերի առավելություններից և թորություններից, ինչ մակարդակի վրա է օգտվողը և առհասարակ, որ փոստային ծառայությունն է տարածված հայ օգտվողների շրջանում և ինչու՞…

Հետաքրքիր վիճակագրական տվյալներ կան, որոնք հրապարակել է Խաչիկ Գևորգյանը Homo-Academicus բլոգում: ARMACAD ցանցում գրանցված օգտվողների էլեկտրոնային փոստերի վիճակագրությունը, մասնավորապես, ցույց է տալիս հետևյալ պատկերը.

3466 հասցեներից 2447-ը գտնվում են .com տիրույթում, 622՝ .ru տիրույթում և միայն 106-ը՝ .am տիրույթում։ Գրանցված հասցեներից 1926-ը սպասարկվում են yahoo-ում, 498-ը՝ gmail-ում, 369-ը՝ mail.ru-ում, 120-ը՝ rambler.ru-ում։

Ամբողջական պատկերը հետևյալն է.

.com 2447
.ru 622
.am 106
.co.uk 62
.edu 46
.fr 40
.org 23
.de 20
.net 19
.ge 16
.ac.uk 10
.kg 6
.cn 4

yahoo 1926
gmail 498
mail.ru 369
rambler.ru 120
hotmail.com 81
yandex.ru 63
list.ru 30
inbox.ru 17
ysu.am 21
bk.ru 13
googlemail 8
web.am 8
brusov.am 6
aua.am 5
seua.am 3
sci.am 2
netsys.am 2
rau.am 1

Փաստերը խոսում են այն մասին, որ հայկական զոնայում գտնվող էլ. փոստի հասցեները քանակով մոտ 20-ից ավելի անգամ զիջում են միայն Yahoo-ում գրանցված էլ. փոստային հասցեների քանակից: Սակայն մյուս կողմից էլ ուրախալի է այն փաստը, որ ARMACAD-ի օգտվողների գերակշռող մասը գերադասում է օգտագործել Gmail կամ Yahoo փոստային ծառայությունը, քան ասենք Mail.ru-ն, քանի որ վերջին մի քանի տարիների ընթացքում ռուսական այս էլեկտրոնային փոստային ծառայությունն իր վարկանիշը բավականաչափ քցեց իր ծառայության հաշվեհամարների հետ կապված զգալի հակերային գործողությունների հետ կապված:

Այս մասով, մեկ այլ վիճակագրական տվյալ ունենք, որի աղբյուրն է դեռ մեկ տարի առաջ սկսված սոց հարցումը ArmStats.ru կայքում, որտեղ օգտվողները նշել են, թե որ էլ. փոստային ծառայությունից են գերադասում օգտվել: Պատկերը հետևյալն է.

Mail.ru 153 (60.71%)
Gmail.com 36 (14.29%)
Yahoo! 21 (8.33%)
Yandex 26 (10.32%)
Rambler 9 (3.57%)
HotMail 7 (2.78%)

Total votes: 252

Ընդհանուր առմամբ, այնքան էլ զարմանալի չեն տվյալները, քանի որ երկար ժամանակ հայ օգտվողները ամենահարմար փոստային ծառայություն են համարել ռուսական Mail.ru-ն, ինչի մասին այսօր երևի թե չես կարող այդպես ասել: համենայն դեպս, հստակ վիճակագրական պատկեր կազմել դեռ անհնար է:

iReport.am