Facebook-ի օգտվողների թիվն անցավ 400 միլիոնը
Հանրահայտ Facebook սոցիալական ցանցի գրանցված օգտվողների թիվն անցել է 400 միլիոնի սահմանը: Ֆեյսբուքյան կյանքն օրեցօր ավելի ակտիվ և դինամիկ է դառնում, որտեղ մարդիկ ավելի ու ավելի շատ ժամանակ են անցկացնում օրվա ընթացքում:
Այսպես, Facebook-ի բնակչությունն գերազանցում է այնպիսի պետությունների բնակչությանը, ինչպիսիք են ԱՄՆ, Ռուսաստանի Դաշնությունը, Ճապոնիան կամ Գերմանիան: Որոշ վերլուծաբաններ և վեբ մասնագետներ Ֆեյսբուքն անվանում են վիրտուալ վեբ պետություն, այսինքն հասարակություն, որը չունի ֆիզիկական սահմաններ և որտեղ վիրտուալ զարգանում են համարյա թե բոլոր տեսակի մշակույթներն ու շփումները:
Facebook-ի վիրտուալ բնակչությանը թվով գերազանցում են միայն Հնդկաստանը և Չինաստանը: Ընդ որում, ֆեյսբուքյան բնակչությունն ավելի զարգացած և ինդուստրիալ օգտագար է, քան այդ երկու պետությունների` այդ մասով վերցրած բնակչությունը:
Վիճակագրությունը ցույց է տալիս, որ վերջին երկու ամսվա ընթացքում Facebook-ի գրանցված օգտվողների թիվն ավելացել է 50 միլիոնով` 2010 փետրվարին կազմելով ավելի քան 400 միլիոն:
Այսպիսի տեմպերով մոտ 2-3 տարի անց, Facebook-ի օգտվողների թիվը կարող է անցնել 1 միլիարդանոց սահմանը:
Աղբյուրը` pingdom
Հոդվածի գրանշումներ (tags)` Facebook, social networks, սոցիալական մեդիա, սոցիալական ցանցեր
Թողեք Ձեր կարծիքը կամ մեկնաբանությունը!