ՖԻԼՈՒ` նոր սերնդի ֆլեշ-կրիչ
Չեք պատկերացնում Ձեր կյանքն առանց ֆլեշ-կրիչի՞: Բայց սրա հետ մեկտեղ երբեմն խնդիրնե՞ր եք ունենում այդ կրիչից ինֆորմացիայի տեղափոխման հետ կապված:
Դիմավորե’ք, PHILLU` նոր սերնդի ֆլեշ-կրիչ:
Առաջինը, որ աչքի է զարնվում, այս սարքի յուրօրինակ դիզայնն է: Միանգամից այն նմանեցնում ենք լուցկու տուփի, որի մեջ տեղավորած են 9 հատ լուցու հատիկներ: Պատկերացրեք, որ այդ 9 հատիկներից յուրաքանչյուրն իր մեջ պարունակում է 5ԳԲ ծավալով ինֆորմացիա, այսինքն` սարքն ամբողջությամբ ընդունակ է իր մեջ պարունակել 45ԳԲ ծավալով ինֆորմացիա: Բայց, ինչպես տեղեկացնում է սարքի հեղինակ Էմիր Ռիֆաթը, հետագայում տուփը կարելի է մեծացնել, և նրա մեջ տեղավորել ավելի շատ քանակությամբ հատիկներ:
Դիզայնը գնահատեցինք, հիմա փորձենք հասկանալ սարքի իրական առավելությունը: Պարզվում է, որ ինֆորմացիան մի սարքից մյուսը տեղափոխելիս պետք է ընդամենը լուցկու հատիկները մեկից տեղափոխել մյուսը: Բայց, հետագայում պլանավորվում է այնպես, որ հնարավոր լինի ինֆորմացիան տեղափոխել հետևյալ եղանակով` պարզապես մոտեցնել լուցկու հատիկի կլոր հատվածը մյուս սարքին, և այն ինքնաբերաբար կտեղափոխվի:
Դե ինչ, հույս ունենք, որ վերջին մտահղացումը հնարավոր կլինի իրականացնել և սպասենք նորամուծության:
Աղբյուրը` ArmWeber.com | http://armweber.com/?p=23
Այլ նմանատիպ նորություններ
Թողեք Ձեր մեկնաբանությունը՝
Հոդվածի դիտումների քանակը` 4,975
