Google ընկերությունը պաշտոնապես հայտարարել է, որ կարող է ընդհանրապես հեռանալ Չինաստանից, մի երկրից, որը հանդիսանում է աշխարհում ամենամեծ լսարանն ունեցողը ինտերնետային շուկայում: Ընկերությունը հայտարարել է, որ կարող է առհասարակ փակել բոլոր իր ծառայություններն ու գրասենյակները Չինաստանում և հեռանալ այնտեղից:

Այսպիսի հայտարարությամբ Google-Ի ներկայացուցիչներն հանդես եկան այն բանից հետո, երբ հակերները հարձակվեցին GMail էլեկտրոնային փոստային ծառայության սերվերների վրա` Չինաստանում խոսքի ազատության համար պայքարող օգտվողների հաշվեհամարներ մուտք գործելու համար:

Reuters-ի տեղեկություններով, մոտ 20 ընկերություններ ենթարկվել են նմանատիպ հարձակումների վերջին օրերի ընթացքում:

Ինտերնետային գիգանտի և Չնաստանի միջև խնդիրներն առաջ եկան Չինաստանում ինտերնետային ցենզուրայի և գրաքննության ուժեղ ճնշումների պատճառով: Մեկ անգամ չէ պատահել, որ կառավարական ուժեղ ճնշումների հետևանքով Google-ը ստիպված է եղել բլոկավորել դեպի այն կայքերն ու ռեսուրսները, որոնք ընդդիմանում էին Չինաստանին, կամ պայքարում խոսքի աատության կամ Տիբեթի ազատագրության համար: Այդպիսով էլ մեկ անգամ չէ, որ Google-ն արժանացել է քննադատությունների` իր կողմից թափահարվող` Don’t be evil կարգախոսին դեմ գնալու համար:

վերջին շրջանում Google-ն, ինդդիմանալով ճնշումներին հրաժարվեց ենթարկվել չինական կառավարական ցենզուրային` չբլոկավորելով այդ երկրում ոչ մի որոնողական արդյունք, որն էլ իր հերթին առաջացրեց Չինաստանի իշխանությունների վրդովմունքը:

Ներկա պահին Google-ը փորձում է գտնել հակերային հարձակման օջախները և վերականգնում իր կողմից կրած վնասները:

iReport.am