«Սփյուռ» տեղեկատվական կենտրոնը թողարկել է «Հայաստանի Դեղին էջերի» բջջային հրատարակում: Այն իրենից ներկայացնում է Java ծրագիր (200 կբ) բջջային հեռախոսների համար: Ծրագրում ներկայացված են տեղեկություններ Հայաստանի և Լեռնային Ղարաբաղի մոտ 3000 կազմակերպությունների մասին:
Ծրագիրը հնարավորություն է տալիս ուղղակիորեն զանգահարել ընտրված կազմակերպությունը:

Բջջային հրատարակումը եռալեզու է՝ հայերեն, ռուսերեն և անգլերեն: Ցանկության դեպքում կարելի է փոխել ծրագրի լեզուն:
«Հայաստանի Դեղին էջեր» բջջային հրատարակումն անվճար է:

Ծրագիրը կարելի է բեռնել www.spyur.am/mobile հասցեից: Ծրագրից օգտվելիս ինտերնետ չի պահանջվում:
«Սփյուռ»-ի բջջային հրատարակումը տեղեկատվությունն օպերատիվ ձեռք բերելու լավագույն տարբերակն է, մասնավորապես լրագրողների համար և բոլոր նրանց համար, ովքեր գտնվում են դրսում կամ անընդհատ շարժման մեջ են:

Վերջին 4 ամսվա ընթացքում գրանցվել է 2500-ից ավելի բեռնում: Բացի այդ, բջջային հրատարակումը ներառվում է «Սփյուռի» CD-հրատարակման մեջ, որի մոտ 10000 օրինակ տրամադրվել են «Սփյուռ-ռեգիստրում» գրանցված կազմակերպություններին:
Բջջային հրատարակման մանրամասներին կարող եք ծանոթանալ այստեղ: