Ս.թ. դեկտեմբերի 4-ին, ուրբաթ, տեղի ունեցավ հայկական IT կայնքով հետաքրքրված մարդկանց հերթական` 8-րդ հանդիպումը: IT ակումբի այս հանդիպումն անցավ բուռն քննարկումներով, ներկայացվեցին մի քանի նորություններ և առաջարկներ: Հանդիպման ժամանակ UITE (ԻՏՁՄ)-ի կողմից ներկայացվեց ս.թ. դեկտեմբերի 14-ից 19-ը տեղի ունենալիք «Digitec անիվների վրա» նախագիծը, որից հետո ԵՊՀ ԻԿՄ ֆակուլտետի ուսանողներից մեկը ներկայացրեց իր կողմից ստեղծված ծրագիրը, որի հիման վրա առաջարկվում էր ստեղծել ֆայլերի փոխանակման համակարգ:

Հանդիպման վերջում «Ինեկոբանկ»-ի մարքետոլոգները առաջարկեցին իրենց աջակցությունը նորաստեղծ հետաքրքիր նախագծերին, որոնք կվերաբերեն ՏՏ ոլորտին: Բանկի աշխատակիցները պատրաստակամություն հայտնեցին քննարկել այդպիսի տարբերակները հետագա IT ակումբի հանդիպումների ժամանակ:

Նշենք նաև, որ չնայած ցրտաշունչ եղանակին, IT ակումբի մասնակիցների քանակը կրկին ավելացել էր` հասնելով մոտավորապես 50-ի !

Հիշեցնենք, որ այս` 8-րդ հանդիպումից սկսած, IT ակումբի հանդիպումների ֆինանսական աջակիցն է հենց «Ինեկոբանկ»-ը:

ներկայացնում ենք նաև IT ակումբի ավանդական դարձաց ֆոտո-ռեպորտաժը:

Լուսանկարները` Անի Աբրահամյանի | Sunny (http://blog.sunnyphoto.am)

P.S. մի ուշագրավ վիճակագրական տեղեկություն` կապված IT ակումբի հետ. Google որոնողական համակարգում որոնելով «IT club meeting» հարցումը նկարներ բաժնում` առաջին տեղում ստանում ենք IT ակումբի էմբլեման, իսկ երկրորդ տեղում` IT ակումբի կազմակերպիչներից մեկի` Արման Աթոյանի լուսանկարը

• Խնդրում ենք տարածել այս ռեպորտաժի հղումը Ձեր սոցիալական ցանցերով, որի համար կարող եք սեղմել ներքևում տեղադրված “SHARE” կոճակը և ընտրել սոցիալական ցանցը: