IT-ակումբի Իջևանյան արտագնա հանդիպում
2009թ. դեկտեմբերի 25-ին UITE (ինֆորմացիոն տեխնոլոգիաների ձեռնարկությունների միություն) և CAPS-ի աջակցությամբ IT-ակումբի մի քանի անդամներ մեկնեցին Իջևան, որտեղ տեղի էր ունենում Digitec անիվների վրա (Digitec on wheels) ցուցահանդես վաճառքի այս տարվա վերջին միջոցառումը:
IT-ակումբի անդամները հանդիպեցին նաև Իջևանի մի քանի ուսանողների և Հ/Կ-ների ներկայացուցիչների հետ, որոնց հետ քննարկվեցին Տավուշի մարզի և Իջևան քաղաքի կոմունիկացիաներին, ինտերնետին և առհասարակ կոմպյուտերային կյանքին առընչվող թեմաներ:
Հանդիպման ժամանակ, ինչպես և պարզվում էր, նկատվեց հետաքրքրություն Հայաստանում ՏՀՏ ոլորտի և Տավուշի մարզում ինտերնետի հետագա զարգացման հանդեպ: Ուղանողներին իրենց խորհուրդներով ուղղություն ցույց տրվեց IT-ակումբի կազմակերպիչների և ԻՏՁՄ (UITE) տնօրեն Կարեն Վարդանյանի կողմից:
Նշվեց, որ DIGITEC անիվների վրա միջոցառումների շարքը հենց ուղղված է Հայաստանի մարզերում ՏՀՏ ոլորտի հանդեպ հետաքրքրության մեծացմանը, որին միացել էին նաև IT-ակումբի կազմակերպիչներն ու մի քանի անդամներ:
Հույս ունենք, որ հանդիպումը կնպաստի, որպեսզի մարզում մեծանա ՏՀՏ ոլորտի հանդեպ հետաքրքրությունը, ինչպես նաև կստեղծվեն մարզային մասշտաբի նոր, թեկուզ և փոքր, բիզնես մոդելներ, որոնք ինքնին կօգնեն ոլորտի զարգացմանն ու տարածմանը:
Այլ նմանատիպ նորություններ
| Tweet |
Հոդվածի դիտումների քանակը` 2,598
Իսկապես շատ լավ անցավ: Հուսանք որ այս հանդիպումը իրոք կնպաստի այնտեղ ՏՏ ոլորտի գոնե ինչ որ չափով առաջխաղացմանը, քանի որ հետաքրքություն նկատվեց այնտեղ այս ոլորտի նկատմամբ, պարզապես պետք է ոգևորել,խորհուրդներ տալ և օգնել հնարավորինս ամեն կերպով:
Թողեք Ձեր կարծիքը կամ մեկնաբանությունը.