Միանգամից ասեմ` ոչ մի վատ բան, ընդհակառակը նրանք որոշեցին համատեղ ուժերով կազմակերպել մի  Rap party, որը տեղի կունենա հունվարի 16-ին, ժամը 18-ին Օպերա ակումբում:  Որի ժամանակ ելույթ  կունենա Դոնի Ռոստովից հրավիրված ռեփեր Էգոն: Բայց ամեն ինչ հերթով…

Էգոն, 21, ապրում է Դոնի Ռոստովում, հայրենիք  է եկել հենց այդ փարթիին մասնակցելու համար: Նա  սկսեց հետաքրքրվել ռեփով   դեռ 6 տարի առաջ ու հասկացավ, որ սա այն է, ինչ հարկավոր է իրեն, իսկ  Էգո բեմական կեղծանունը նրան ուղեկցում է դեռ մանկուց:

«Ինձ մանկուց այդպես էին ասում, ինչ-որ տեղ նաև համապատասխանում է իմ էությանը, չեմ ասում շատ էգոիստ եմ, բայց կան հարցեր, որոնցում հենց այդպիսին եմ` օրինակ աղջիկների  հետ շփվելիս, սիրում եմ , որ իմ ասածով լինի»,- խոստովանեց նա:

Հունվարի 16-ի երեկոն կթեժացնի նաև արդեն մեր հանրությանը հայտնի Բելի Մաքսը (Белый Макс), 26, որի առաջին տեսահոլովակը «Едем в клуб» վերնագրով պտտվում է մեր երաժշտական հեռուստաալիքներով: Մաքսն ասում է, որ իր կեղծանունն էլ  բնութագրում է իրեն:

«Ամեն անգամ ելույթ ունենալիս, ես փորձում եմ հանդիսականին հաղորդել մաքսիմում էներգիա, դռայվ ու ադրենալին, այլ կերպ չի էլ կարող լինել, քանի որ ռեփը ինքնին շարժիչ ուժ է»,- համոզված է Մաքսը

Այս տղաները ռեփ են կարդում ռուսերեն ու համոզված են, որ եթե մի բան լավ ես անում ու դա բխում է հոգուց, անպայման կհասնի իր ունկնդրին, անկախ նրանից թե ինչ լեզվով է: Ինչ վերաբերում է տղաների երգերի թեմատիկային, ապա Էգոն ասում է` ինքը Նոր ոճի կողմնակիցն է:

«Ռուսաստանում երիտասարդների մեծամասնությունը հենց ռեփ է լսում, շատերն առանց այս ուղղության, պարզապես, կյանք չունեն ու ես հաշվի եմ առնում դա: Ես ուզում եմ, որ իմ երաժշտությունը սովորեցնի դեռահասներին լավը, ոչ թե նրանց մեջ դաստիարակի գազանի: Իմ տեքստերում չկան հայհոյանքներ ու վիրավորանքներ»,- ասում է Էգոն:

Մաքսը համամիտ է այս կարծիքի հետ, բայց միևնոււյն ժամանակ ասում է, որ ռեփը կյանք է, իսկ կյանքում ամեն ինչ էլ պատահում է, կարևորը փորձես մնալ այնպիսին, ինչպիսին կաս:

«Օրինակ շատերն ասում են, որ եթե ռեփը կամ ռոքը մտնեն շուբիզնես, ապա վաղ թե ուշ պետք է խաղան որոշակի կանոններով, ես այդքան էլ համամիտ չեմ, միշտ էլ հնարավոր է գտնել ոսկե միջինը, եթե կա հնարավորություն ավելի լայն շրջանակների ներկայանալ` ինչու չանել դա: Օրինակ ես անում եմ այն, ինչ իմ ներքինն է ինձ թելադրում, ես չեմ ուզում, ինձ երկրպագեն, թող աստծուն երկրպագեն,  ինձ թող  լսեն, դա էլ բավական  է»,- ասում է  Մաքսը;

Ինչ վերաբերում է հունվարի 16-ի համերգ- փարթիին, ապա տղաները խոստացան, որ այն, իսկապես, դիտարժան է լինելու, լի ռեփ երաժշտությանը բնորոշ տարրերով` բրեյք դանս, ռեփ մենամարտեր, և, իհարկե, ռեփ երաժիշտներին բնորոշ մտերմիկ ու թեժ միջավայր:

Նյութը` Նունե Այլանջյանի: