Դեկտեմբերի 21-ին Չարենցավան քաղաքում կմեկնարկվի ‹‹DigiTec անիվների վրա›› ցուցահանդես-տոնավաճառը: Միջոցառման նպատակն է խթանել ՀՀ մարզերում Տեղեկատվական և Հեռահաղորդակցական Տեխնոլոգիաների /ՏՀՏ/ կիրառումը, ՏՀՏ ընկերությունների ապրանքների և ծառայությունների սպառումը, ընդլայնել ՏՀՏ շուկան, մեծացնել ապրանքների և ծառայությունների հասանելիությունն ու մատչելիությունը  մարզային համայնքների համար, նպաստել տեղեկատվական հասարակության կայացմանը:

Ցուցահանդես-տոնավաճառին կմասնակցեն ՏՀՏ առաջատար հայկական ընկերություններ, որոնք կներկայացնեն իրենց համակարգչային սարքավորումները, ծրագրային լուծումները, հեռահաղորդակցման ապրանքները և այլն: Նրանք կշրջեն մարզային 42 քաղաքներում` կայանելով և ցուցադրվելով յուրաքանչյուրում մեկական աշխատանքային օր: Միջոցառումը կունենա ցուցահանդեսային, ուսուցողական և զվարճանքի բաղադրիչներ: Նախատեսվում է, որ մեկ անգամյա տոնավաճառը կայցելի նույն ուղղության վրա գտնվող 5 բնակավայր:

‹‹DigiTec անիվների վրա›› ցուցահանդես-տոնավաճառը դեկտեմբերի 21-ից կշարժվի հետևյալ ուղղություններով`

Չարենցավան, 21 դեկտեմբեր 2009, 13:00-20:00

Չարենցավանի մշակույթի տուն

Հրազդան, 22 դեկտեմբեր 2009, 13:00-20:00

Կոտայքի մարզային երիտասարդական կենտրոն

Սևան, 23 դեկտեմբեր 2009, 13:00-20:00

Ս. Զաքարյանի անվ. մշակույթի պալատ

Դիլիջան, 24 դեկտեմբեր 2009, 13:00-20:00

Շարամբեյանի անվ. Մշակույթի դպրոց

Իջևան, 25 դեկտեմբեր 2009, 13:00-20:00

Իջևանի տուրիզմի և բիզնեսի տեղեկատվական կենտրոն

Լրագրողների համար`

Եթե ցանկանում եք մասնակցել միջոցառման բացմանը և լուսաբանել այն, հրավիրում ենք ձեզ Տարածքային կառավարման նախարարության շենքի մոտ, որտեղից մեր ավտոմեքենան կհասցնեն ձեզ միջոցառման վայր: Ավտոմեքենան շարժվում է երկուշաբթի օրը` դեկտեմբերի 21-ին` ժամը 11:30-ին:

Հասցե` Հանրապետության հրապարակ, կառավարական տուն 2: