Մոտավորապես 4 ամիսների ընթացքում DJ2DJ.am կայքի անձնակազմը մասնակցել է ավելի քան 25 ակումբային երեկույթների`տարբեր Երևանյան ակումբներում, ու իմ կարծիքով, կարելի է արդեն որոշակիորեն հետևություններ անել անցած միջոցառումների և, ընդհանրապես, երևանյան  ակումբային կյանքի վերաբերյալ:

Գուցե ամառվա թեժ միջոցառումները մենք բաց էինք թողել, քանի որ գործունեություն սկսեցինք Բոբ Սինքլեր-ի համերգից (2009թ. Հուլիսի 29) հետո և առաջին ֆոտոռեպորտաժն այդ համերգից էր: Բայց, իմ կարծիքով, այս ամռանը մի տեսակ պասիվ ակումբային կյանք էր տիրում Երևանում: «Սևանի սեզոնին» նույնիսկ սպասվածից քիչ ակտիվություն կար:

Ինչպես ասում են, ամառն անցավ, մի լավ չտժժացինք : Ընդհանուր առմամբ միջոցառումներ շատ կային. ամեն ուրբաթ, շաբաթ և կիրակի օրերին տարբեր ակումբներում տարբեր թեմատիկ միջոցառումներ էին լինում, բայց դե… Մենք` հայերս, էնպիսին ենք, որ PLAYBOY խորագրով երեկույթը ոչնչով չի տարբերվում ասենք, օրինակ, ուսանողության միջազգային օրվան նվիրված միգոցառումից: Էնպիսի տպավորություն ա, որ բոլոր միջոցառումներին միևնույն դեմքերն են:

Բայց… Էսպիսի մի տենդենց եմ նկատել, արտասահմանյան DJ-ների մասնակցությամբ երեկույթներն անցնում են ավելի ուրախ մթնոլորտում` չնայած այն բանի, որ օրինակ այն երաժշտությունը, որը նվագում էր Andrey Balkonsky-ին, ոչ մի բանով չէր գերազանցում մեր հայ DJ-ների նվագած երաժշտությանը: Այս պարագայում, կարելի է մտածել. “Ինչո՞ւ չենք գնահատում մերոնց”: Սա արդեն իրավիճակի մյուս կարևոր կողմն է, որին այսօր չեմ անդրադառնա:

Մի բան էլ նկատեցինք ամիսների ընթացքում, որ հայ DJ-ները շատ ալարկոտ DJ-ներ են: Երբ փորձում էինք նրանց մասին ինֆորմացիա հավաքել ու նրանցից շատերին խնդրում էինք կենսագրություն ուղարկել մեզ, գրեթե բոլորը պատրաստակամորեն համաձայնվում էին, բայց… կենսագրությունը մնում էր օդում… Հետո որոշներին հիշեցնում էինք, բայց մենք էլ ենք մարդ, երբեմն նույնիսկ ամաչում ենք հիշեցնել: Ժամանակի ընթացքում իհարկե որոշներն ուղարկեցին այդ ինֆորմացիան, բայց շատերը մինչև օրս ուղարկում են… Էստեղ հարց ա առաջանում. “Ինչո՞ւ իրենց չի հետաքրքրում այն փաստը, որ այդ ինֆորմացիայով նրանց կարող է ճանաչել թեկուզ մեկ հոգի ավելի”:

Դե իսկ… DJ vs DJ օնլայն մրացամարտի մասին չեմ խոսում: Ովքեր տեղյակ չեն, ասեմ որ DJ2DJ.am կայքը 4 ամիս առաջ հայտարարել էր օնլայն մրացամարտ DJ vs DJ վերնագրով, որի իմաստը կայանում էր նրանում, որ DJ-ները պետք է ռեմիքս տարբերակ ներկայացնեին տրված track-ի համար: Որպես առաջին մրցույթի թեմատիկա ընտրվեց հայտնի Super Mario խաղի soundtrack-ը: Հաշվի առանք, որ սկզբնական շրջանում ոչ բոլորը կիմանան այդ մասին, և այդ պատճառով վերջնաժամկետ չսահմանեցինք: Որպես արդյունք ուղղակի նշեմ, որ այս պահի տվյալներով դեռևս երկու թեկնածու ռեմիքսված տարբերակներ ունենք: Մեզ մնում է միայն հուսալ և սպասել ավելի մեծ ակտիվության` այս մրցամարտի հանդեպ:

Ինչ վերաբերում է ընդհանուր առմամբ ակումբային կյանքին, սպասենք ավելի յուրահատուկ թեմատիկ միջոցառումների և գնահատեք մեր հայ DJ-ներին ոչ պակաս, քան արտասահմանցիներին:

Վարդան Գրիգորյան / iReport.am / Hi-Secure.net