Ամանորին մնացին հաշված օրեր, Մի տեսակ հաճելի իրարանցում ու եռանդ ա նկատվում քաղաքում, մարդիկ պատրաստվում են դիմավորել Նոր Տարին, գնումներ են կատարում, նվերներ գնում միմյանց:

Մի փոքր էլ անդրադառնանք ամանորյա գնումներին և զեղչերին:

Ամեն տեղ տոնական տրամադրություն է տիրում, գրեթե բոլոր խանութներում փակցված է «Զեղչեր» ցուցանակը: Բայց կարելի է ուշադրություն դարձնել նման մի փաստի վրա. օրինակ` խանութի վրա փակցված է «Զեղչեր 20-50% ողջ տեսականու վրա», բայց եթե ուշադիր նայես, գրեթե բոլորը զեղչված են 20%-ով միայն, իսկ ու՞ր կորան է-ն մյուս 30%-ները? Դա էլ երևի ամառային տեսականու վրա է կիրառված, կամ ընդհանրապես չկա էլ, բայց դե փաստն այն է, որ ցուցանակի վրա դա նշված է, ինչը գրավում է մարդկանց և մարդիկ մտնում են խանութ: Եվ չնայած, որ նրանց սպասելիքներն այդքան ել չեն արդարանում, մարդիկ գնում են իրենց հավանած ապրանքը այդ 20% զեղչով, և դուրս գալիս` ոչ լիարժեք բավարարված:

Բայց, այնուամենայնիվ նույն հաճախորդը հաջորդ անգամ կտեսնի այդ ցուցականը ու նորից կմտնի այդ խանութ` 50% զեղչով որևէ լավ բան գտնելու ակնկալիքով… )))
Ինչևէ, լավ է, որ այդ 20%-ն էլ կա, լավ է, որ խանութները լի են մարդկանցով` ընդհուպ մինչև նրանց փակվելու վերջին րոպեն:

Հաճելի է տեսնել այդ ամանորյա անցուդարձը, գնումները, մարկանց այդ մի տեսակ անհանգստությունը, քանզի բոլորը ցականում են հնարավորինս լավ դիմավորոլ Նոր Տարին, չէ որ ասում են ` «ոնց կդիմավորես,նենց ել տարին կանցնի» :

Շնորհավորում ենք բոլորի գալիք Ամանորը և Սուրբ ծնունդը
Թող Տարին լինի հաջողակ բոլորի համար:

Էլյա Եղիազարյան. iReport-ի համար: