«Բլոգինգ. Բլոգի կառավարման էթիկա» սեմինար քննարկում

«Համահայկական Երիտասարդական Միջազգային Կենտրոն» հիմնադրամի կողմից ս.թ դեկտեմբերի 11-13-ը կազմակերպվեց և անցկացվեց «Բլոգինգ. Բլոգի կառավարման էթիկա» սեմինար քննարկումը: Մասնակիցները 40-ն էին, որոնց թվում` փորձառու և սկսնակ բլոգերներ, Հ/Կ-ների ներկայացուցիչներ, լրագրողներ և այլն, որոնք հետաքրքրված էին բլոգի վարման էթիկայով, բլոգոսֆերայով և բլոգների առաջխաղացմամբ:

Նախապես հարկ եմ համարում նշել, որ եռօրյա հավաքի ֆորմատը բավականին անսպասելի էր, սակայն, իմ կարծիքով` նույնքան անհրաժեշտ, և հավաքի արդյունավետությունը` նույնքան բարձր:

Սեմինար քննարկումների շարքում մասնակիցների հետ իրենց փորձառությամբ և տեսակետներով կիսվեցին Տիգրան Քոչարյանը (LiveJournal-ի Pigh-ը. http://pigh.livejournal.com) և Էդգար Բարսեղյանը (LiveJournal-ի Alkhimik-ը):

Խոսվեց բլոգինգի, բլոգերային ռեսուրսների և համակարգերի, մասնավորապես` այսօր հայկական բլոգոսֆերայում գերիշխող LiveJournal բլոգերային համակարգ-սոցիալական ցանցի մասին:

Քննարկումների ժամանակ ներկայացվեցին նաև մի քանի պրեզենտացիաներ` կապված հայկական բլոգոսֆերայի և առհասարակ բլոգինգի հետ, որոնցից էին NeoMedia նախագծի կողմից վերջերս ստեղծված ArmFeeds.com կենտրոնացված բլոգերային գրառումների հեռարձակման կայքը, Տիգրան Տերտերյանի` բաց կոդերով բլոգերային համակարգերի մասին պրեզենտացիան:

Քննարկումների ժամանակ տեղի ունեցած միջոցառումներից կարևոր կհամարեմ նշել նաև մասնակիցներին տրված առաջադրանքները, որոնք կատարվեցին հենց քննարկումների ժամանակ: Արդյունքում նախնական ստեղծվեցին 3-4 բլոգներ, որոնք ներկայացվեցին առանձին պրեզենտացիաներով` մասնակիցները մասնակիցներին:

Քննարկումների վերջին օրը` դեկտեմբերի 13-ին մասնակիցները արտահայտեցին իրենց եզրափակիչ կարծիքները և հետագա անելիքների մասին իրենց տեսակետները: Որպես NeoMedia նախագծի ներկայացուցիչ` պետք է ասեմ, որ այս հանդիպումներից հետո ակնկալում եմ մի քանի հաջող արդյունքներ, որոնց մասին հետո կխոսեմ:

Ներկայացնեմ նաև փոքր ֆոտո-ռեպորտաժ Ծաղկաձորյան սեմնարներից և քննարկումներից:

——————————————————
Վարդան Պապիկյան | iReport.am

Թողեք Ձեր մեկնաբանությունը՝