Երեկ առավոտյան, “Ռադիո Վան” բլոգի անձնակազմը, բացելով բլոգը, հանդիպեց գրությանը, որը նշված է լուսանկարում:

Արդեն պարզ էր, որ բլոգն անցել էր ադրբեջանական հաքերների “ձեռքի տակով”… Որեւէ մեկնաբանություն չեմ անում, քանի որ մեզ համար արդեն պարզ է ադրբեջանական պարտվողականություն եւ обижник-ություն ասվածը…

Նախորդ օրը բլոգում տեղադրվել էր ադրբեջանցի փոքր տղայի մասին “Такой маленький, а уже турок” վերնագրով նյութը, որտեղ պատմվում է, որ ֆրանսիական դպրոցներից մեկում սովորող 13-ամյա Մուստաֆան, անդրադառնալով 1915-ի ցեղասպանությանը, ասել է. “Եթե նույնիսկ դա տեղի է ունեցել, ապա նրանք արժանի են դրան”:

Իսկ Նոյեմբերի 24-ին մեկ այլ նյութ` “Грузины наступают исподтишка” վերնագրով, տեղեկացնում է, որ վրացիները հրատարակել են հակահայկական գրքեր: Նյութում անդրադարձ կա նաեւ ադրբեջանցիներին…

Բլոգի պատասխանատուների կարծիքով այս նյութերը կարող էին ադրբեջանական հաքերության պատճառ հանդիսացած լինել: Նրանք նաեւ կարծում են, որ տեխնիկապես բլոգն ամբողջովին ապահովագրված չէր:

Ադրբեջանցիները ջարդել են ոչ միայն բլոգը, այլ նաեւ Ռադիո Վանի եւ Русское радио-ի կայքերը: Վերջինս, մինչ այժմ էլ, վերականգնված չէ:

Այսօր 13:00-ի սահմաններում բլոգի ադմինիստրատորներից մեկը նկատել է եւս մեկ հարձակման փորձ կայքի վրա, սակայն հայ մասնագետները կարողացել են կանխել այն:

Սրանով բոլորիս համար կրկին պարզ է դառնում մի ճշմարտություն, որ Ադրբեջանում ֆինանսավորվում են հատուկ մարդիկ, ովքեր կարդում եւ ուսումնասիրում են հայկական` հատկապես ռուսալեզու բլոգներն ու կայքերը… հենց գտնում են տեխնիկական որեւէ թույլ տեղ, գոռում են “Կպա՜վ” ու անցնում գործի…

Աղբյուրը` Sard.hetq.am

P.S. Հայ բլոգերներին !!! կարդացեք և հետևեք հետևյալ խորհուրդներին, որպեսզի խուսափեք հակերների ձեռքն ընկնելուց: