Ոսկու համաշխարհային գները նոր ռեկորդ են սահմանել…
Ոսկու համաշխարհային գները սահմանել են նոր ռեկորդ: Չորեքշաբթի համաշխարհային շուկաներում աճուրդի փակման պահին տրոյական ունցիայի դիմաց վճարում էին 1186 ԱՄՆ դոլար: Ոսկու պահանջարկն աճում էր դոլարի փոխարժեքի նոր և ուժեղ անկման պայմաններում:
Ինչպես հաղորդում է ИТАР-ТАСС-ը, պահանջարկը նոր խթան էր ստացել չորեքաբթի, երբ պարզվել էր, որ հնդկական ֆինանսական հրատարակության համաձայն` Հնդկաստանը պատրաստվում է ոսկու նոր գործարք կնքել Արժույթի միջազգային հիմնադրամի հետ: Նշենք, որ հոկտեմբերին Հնդկաստանը ԱՄՀ-ից ձեռք էր բերել արդեն 200 տոննա ոսկի 6,7 մլրդ դոլարով: Այժմ Դելին բանակցություններ է վարում նոր պարտիայի ձեռքբերման շուրջ:
Ինչպես նշում են փորձագետները, նման կերպ Հնդկաստանը փորձում է ձերբազատվել ամերիկյան արժույթի զգալի կուտակումներից` կանխատեսելով դոլարի հետագա արժեզրկումը: Նրանք չեն բացառում, որ ոսկու նկատմամբ հնդկական պահանջարկը ունակ է հատուկ մթնոլորտ ստեղծել ոսկու համաշխարհային շուկայում, երբ ներդրողների կողմից առաջանա ավելի մեծ պահանջարկ:
Թողեք Ձեր կարծիքը կամ մեկնաբանությունը!