Ինֆորմացիոն տեխնոլոգիաներին նվիրված հերթական` 5-րդ հանդիպումը տեղի ունեցավ 2009թ. հոկտեմբերի 23-ին Ամերիկյան Համալսարանի բիզնես կենտրոնում: Ինչպես նախորոք հայտարարվել էր, հանդիպման սկզբում Խաչիկ Գևորգյանը ներկայացրեց ARMACAD ակադեմիական օժանդակության կենտրոնի, ինչպես նաև հատուկ հանդիպման մասնակիցների համար` ARMACAD-IT ցանցի հնարավորությունները:

Հանդիպման երկրորդ մասում BestBuy ընկերության տնօրեն Արիկ Շահումյանը խոսեց հայկական օն-լայն գովազդային շուկայի ներկայիս վիճակի և հեռանկարների մասին: Գովազդային շուկայի այս տարբերակը դեռևս զարգացման փուլում գտնվելով` միաժամանակ մեծ հետաքրքրություն է առաջացնում IT բնագավառով հետաքրքրվողների մոտ և կարիք ունի լուրջ լուսաբանման:

Հանդիպման ավարտից 20 րոպե առաջ ԻՏՁՄ (ինֆորմացիոն տեխնոլոգիաների ձեռնարկությունների միություն) տնօրեն Կարեն Վարդանյանը խոսելով մասնակիցների հետ, ներկայացրեց և առաջարկեց ինքնաճանաչման և ինքնազարգացման մի յուրահատուկ տարբերակ, որի շուրջ զրույցների ծավալման պատճառով հանդիպումը ավարտվեց կես ժամ ուշացումով… Տվյալ տարբերակով հետաքրքրվողների համար այս շաբաթվա վերջում հատուկ կկազմակերպվի միջանկյալ հանդիպում Կարեն Վարդանյանի ղեկավարմամբ: Հիշեցնենք, որ այն մարդիկ, ովքեր ցանկանում էին ներկա գտնվել այս յուրահատուկ թեմատիկայի քննարկմանը, կարող են ուղարկել հաղորդագրություն itclubmeeting@gmail.com էլ փոստի հասցեին` ուղղակի վերնագրում նշելով Անուն Ազգանուն և IT-Club 5:

Հաջորդ հանդիպումը տեղի կունենա 2009թ. նոյեմբերի 6-ին, որի ժամանակ քննարկվելիք թեմաների և այլ մանրամասների մասին նախապես կտեղեկացնենք:

Վարդան Պապիկյան | iReport.am
Լուսանկարները` Անի Աբրահամյանի (Sunny)

Թողեք Ձեր մեկնաբանությունը՝