Օն-լայն մեդիան, իր լայն հնարավորություններով, արդեն նեղում է մեկ այլ մեդիա ներկայացուցչի` հեռուստատեսությանը, որն ավանդական է համարվում մեդիա և գովազդային դաշտում արդեն մի քանի տասնամյակներ: Սակայն, ինտերնետային հասարակության աճին զուգահեռ մրցակցությունից դուրս են մնում մեդիա ոլորտի այլ կարկառուն դեմքեր` ռադիո, տպագիր մամուլ, արտաքին գովազդ, բջջային մեդիա և այլն: Եթե խոսքը գնում է գովազդային շուկայի մասին, ապա մի բան պարզ է` օն-լայն գովազդային շուկան շարունակում է ցուցադրել կայուն աճ, այն դեպքում, երբ մնացած բոլոր ոլորտները միայն անկում են գրանցում, այն էլ խոշոր մասշտաբներով:

Մեդիա ոլորտներում գովազդային դինամիկան` ըստ սեգմենտների:

Այսպես, ռուսական շուկայում ըստ TNS ընկերության կատարած վերլուծությունների, որոշ ինտերնետային պորտալներ իրենց օրական այցելուների թվով մոտենում են միջին ռեյտինգային հեռուստաընկերությունների. Яндекс-ը (10,6 մլն.) համարյա հասնում է REN-TV (12,08 մլն.) հեռուստաընկերությանը, իսկ ТВ Центр-ի լսարանին արդեն անցել են երկու ռուսական ինտերնետային գիգանտներ` Яндекс-ն ու Mail.ru-ն (9,51 մլն. այցելու):

Ինտերնետի հաջողության գործոնը կայանում է նրանում, որ ցանցային տիրությում գովազդը համարյա թե անթերի կարելի է թարգեթավորել` թիրախավորել կոնկրետ հասարակության շրջաններում:

Վարդան Պապիկյան / iReport.am