Ինտերնետային ցանկացած «օբյեկտ», ստեղծման օրվանից կարիք ունի առաջխաղացման. այն է` կայքի վարկանիշի, հաճախելիության և տեսանելիության բարձրացում: Բլոգն էլ իր հերթին, լինելով վեբ-կայք, առաջխաղացման նույն գործոններով է առաջնորդվում` մի քանի բացառություններով:

Առաջին հերթին, բլոգը, որպես տեղեկատվության և շփման ռեսուրս, պետք է հաճախ թարմացվի: Ցանկալի է, որ բլոգային ռեսուրսում օրեկան տեղ գտնեն մի քանի գրառումներ: Այս միջոցով դուք երկու կարևոր քայլ կկատարեք. նախ, այցելուն կունենա նյութ փնտրելու մեծ հնարավորություն և ավելի հավանական կլինի նրա հաջորդ այցելությունը ձեր բլոգ մոտական մի քանի օրերի ընթացքում: Երկրորդ, և ավելի կարևոր քայլ. Որոնողական համակարգերն ավելի բարձր են գնահատում հաճախ թարմացվող կայքերը (բլոգներն` առավել ևս): Իսկ այն ռեսուրսը, որը օրական մի քանի նոր նյութ է ունենում առաջարկելու, ինքնաբերաբար հայտնվում է որոնողական համակարգերի առավել հաճախ թարմացվող ռեսուրսների ցանկում, և նրա ինդեքսացնող ռոբոտը նույնիսկ օրեկան մի քանի անգամ կարող է այցելել ձեր ռեսուրս, նոր նյութերի ինդեքսացման համար: Այդպիսով, ձեր բլոգի վարկանիշի բարձրացման համար, ամենակարևոր պայմանն է բլոգի հաճախ թարմացումը:

Բլոգային ռեսուրսի վարկանիշից է կախված հանրահայտ որոնողական համակարգերում որոնողական արդյունքների (search results) բարձր դիրքերում հայտնվելը: Google որոնողական համակարգի ռանկավորման արժեքները այսօր ցանկացած ինտերնետային ռեսուրսի համարառավել  կարևոր են, քանի որ ինտերնետային քաոսում լավ դիրք զբաղեցնելու համար անհրաժեշտ է ունենալ բարձր PR արժեք (pagerank): Google PR-ի միջոցով, այս որոնողական համակարգը դասակարգում է տարբեր բնույթի կայքերն ըստ կարևորության` իրենց բնութագրերին համապատասխան: PR համակարգը ներառում է 0-ից մինչև 10 ցուցանիշները: Նշենք, որ միջին արդյունք է համարվում 3-ից 5 ցուցանիշը (տարբեր մեկնաբանություններով կարող եք այլ գնահատականներ ևս տեսնել PR-ցուցիչների համար): Ինչպես արդեն նշեցի, բլոգային ռեսուրսի PR ցուցանիշի բարձրացման համար կարևորագույն պայմանն է ռեսուրսի հաճախ թարմացվելը: Սրան գումարվում է կայքի նյութերի ցիտումը այլ բլոգներում և ինֆորմացիոն կայքերում, դեպի ռեսուրս եկող հղումների քանակը (incoming links) և կայքի (բլոգի) ներքին ստրուկտուրան, ներքին հղումները: Այսպիսով, եթե ձեր բլոգը նվիրված է ավտոմեքենաներին և այն վարում եք հայերեն լեզվով, ապա ձեզ անհրաժեշտ է հետևել գրառման բովանդակությանը` փորձելով այն համապատասխանեցնել որոնողական համակարգերի պահանջներին*:

* Որոնողական համակարգերի պահանջների մասին շրջանառվում են հարյուրավոր մեկնաբանություններ: Սակայն որոնողական համակարգերի պահանջների մասին ստույգ որևէ մեկը չի կարող տեղեկություններ տալ, բացի այդ համակարգում աշխատող օպերատորներից, որը համարյա թե բացառված է:

Ինչ ենք հասկանում որոնողական համակարգերի պահանջներ: Կան որոշակի գործողություններ, որոնց հետևելու դեպքում, դուք անվերապահորեն օգնում եք ձեր ռեսուրսի կարևորությունն ապահովելը. Եթե ուշադրություն դարձնեք, հենց այս գրառման մեջ որոշ արտահայտություններ գրված են հաստ (bold) տարբերակով: Սա օգնում է որոնողական համակարգին, որպեսզի նա ավելի ստույգ իմանա ձեր նյութի բովանդակության և նրա մեջ եղած նյութի կարևոր թեմաների մասին: Այս գրառման մեջ նաև կարող եք նկատել այն, թե ինչ քանակությամբ են գործածվում որոշակի բառեր և արտահայտություններ: Օրինակ` որոնողական համակարգ(եր), բլոգերային ռեսուրսներ և այլն: Սա նույնպես օգնում է, որպեսզզի որոնողական համակարգի ռանկավորման սկզբունքը գործի ձեր ռեսուրսի օգտին: Այս բոլոր բառերը, որոնք հիմնականում բնութագրում են նյութը, կոչվում են բանալի բառեր: Այս բառերով հետագայում նույն որոնողական համակարգում հարցում անելիս, ձեր բլոգը, կամ նրա նյութը կարող է հայտնվել որոնողական արդյունքերում**:

** Որոնողական արդյունքներում նպատակահարմար է հայտնվել առաջին 3 տասնյակում: Քանի որ որոնողական արդյունքների հաջորդ էջերի դիտումները օգտվողի կողմից ձգտում են զրոյի: Առաջին երեք էջերը կոչվում են օգտակար արդյունքներ:

Բլոգերին անհրաժեշտ է նաև բավականին ակտիվ լինել այլ բլոգերային ռեսուրսներում և հաճախ կատարել մեկնաբանություններ` թողնելով բլոգի հղումը: Դա նույնպես օգնում է բլոգերային ռեսուրսի հաճախելիության և որոնողական համակարգերում ռանկավորման բարձրացմանը:

Բլոգերային ռեսուրների առաջխաղացման առանձնահատկությունները յուրահատուկ են հենց «բլոգերային ռեսուրս» լինելու պատճառով: Առաջխաղացման համար կարևոր մյուս գործիքներն ու մեթոդները ևս պետք է չմոռանալ օգտագործել…

Շարունակելի…

Վարդան Պապիկյան