Արդյոք Օբաման սպառնալիք է ԱՄՆ-ի համար? Այս մասին խոսում էին դեռ Օբամայի` նախագահ դառնալուց առաջ… Սակայն այսօր կան մարդիկ, ովքեր խոսում են փաստերով: Մեջբերում ենք ԹԵՐԹ.am-ից.

Ավագ Ջորջ Բուշի որդին՝ Ջեբ Բուշը, որը, հոր համոզմամբ, նախախնամության կամքով պետք է դառնա ԱՄՆ նախագահ, զանգվածային հարձակում է սկսել ԱՄՆ գործող նախագահ Բարաք Օբամայի դեմ, ով Սպիտակ տան ղեկավարի պաշտոնում փոխարինել է կրտսեր Բուշին, այսինքն՝ Ջեբ Բուշի եղբորը:

Այսպես, Ջեբ Բուշի կարծիքով՝ Օբաման սպառնալիք է Միացյալ Նահանգների համար:

«Առողջապահության ոլորտում նրա անհավատալի ծրագիրը, $787 մլրդ արժողությամբ միջամտությունը երկրի տնտեսությանը, բյուջեի պակասուրդը, որը հասել է $1,8 տրիլիոնի, կառավարությունը, որն արդեն միջամտում է առօրյա կյանքի յուրաքանչյուր ոլորտին. նա պարզապես ձգտում է հիմնովին փոխել պետության մեր հայեցակարգը»,- Ջեբ Բուշն այս մասին խոսել է իտալական Ռիմինի քաղաքում, ուր նա ժամանել էր մասնակցելու Comunione Liberazione կրոնա-քաղաքական կազմակերպության համագումարին մասնակցելու նպատակով:

Հարցին, թե արդյոք Օբամայի հասցեին հնչեցրած քննադատությունը կարելի է դիտարկել որպես 2012թ. նախագահական ընտրությունների քարոզարշավի մեկնարկ, Ջեբ Բուշը պատասխանել է, որ «խոսքն ինքնաբուխ շարժման մասին է, որից կարող է վերածնվել ամերիկյան պահպանողականությունը»: Բուշը չի բացառել, որ կարող է առաջադրել իր թեկնածությունն առաջիկա նախագահական ընտրություններում:

Տնտեսական ճգնաժամը սկիզբ առավ դեռ Ջորջ Բուշի օրոք. ի՞նչ կաներ Ջեբը, եթե Օբամայի փոխարեն ինքն ընտրված լիներ ԱՄՆ նախագահ: Թղթակցի հարցին նա պատասխանել է. «Կիջեցնեի հարկերը առաջին հերթին փոքր բիզնեսի համար, ուղղակի ներդրումներ կկատարեի ենթակառուցվածքներում»:

Թե երբ կավարտվի ճգնաժամը, Ջեբ Բուշը չգիտի, բայց կարծում է, որ տնտեսական աճը կանխատեսվածից ավելի ուշ կգա:

Աղբյուրը` ԹԵՐԹ.am