Երևան-Բաթում գնացքը մեկնելու է այսօր` 22:30-ին:

Հարավկովկասյան երկաթգծի Երևան կայարանի կայարանատան տնօրեն Վահրամ Վարդանյանն էլ նշեց, որ այս` առաջին չվերթն ունի 4 վագոն կուպե, 2 վագոն Սէ և 2 պլացքարտ տիպի վագոններ: «Ընհանրապես գնացքը կազմված է 10 վագոնից, սակայն քանի որ հիմա ուղևորահոսքը դեռևս քիչ է, գնացքը կշարժվի ոչ լրիվ կազմով: Երբ ուղևորները շատանան, վագոնները կավելացվեն: Այսօր մեկնում է 120 ուղևոր, իսկ ընդհանուր առմամբ, գնացքը կարող է սպասարկել 480 ուղևորի: Վագոններում կան ուղևորների սպասարկման համար բոլոր պայմանները»,-ասաց Վահրամ Վարդանյանը:

Նշենք, որ հայկական և վրացական գնացքները շարժվելու են հերթականությամբ` օրը մեջ: Նաև տեղեկացանք, որ ճանապարհի ժամանակը կրճատվել է 1 ժամ 20 րոպով: Երևանից գնացքը կմեկնի շուրջ 22:30-ին և կհասնի Բաթումի 16:56-ի սահմաններում: Երևան-Բաթում ուղին գնացքը անցնում է 18 ժամում:

Ուղևորատոմսը 2 հոգու համար նախատեսված վագոնում 20-21 հազար դրամ է, իսկ 4 տեղանոց վագոնի համար 15-16 հազար դրամ, իսկ պլացքարտում` մեկ անձի համար`9 հազար դրամ:

Աղբյուրը` Panorama.am