Սինգապուրի տնտեսությունը դուրս է եկել ճգնաժամից 2009թ. երկրորդ եռամսյակում: Այն գրանցել է ավելի քան 20% տնտեսական աճ: Այդ մասին հայտարարել է Սինգապուրի առևտրի և արդյունաբերության նախարարությունը:

Այս տարվա ապրիլ-հունիսին Սինգապուրի ՀՆԱ-ն նախորդ եռամսյակի համեմատությամբ աճել է 20,4%-ով, մինչդեռ նախորդ տարվա նույն ժամանակահատվածի համեմատությամբ գրանցվել է 3,7% անկում:

Ուշագրավն այն է, որ ասիական այս քաղաք-պետությունում տնտեսական վերելք է ապահովել արտահանումների ծավալների ավելացումը: Սակայն արտահանումները կատարվել են  ոչ թե  Եվրոպա, ԱՄՆ և Ճապոնիա, այլ Ինդոնեզիա, Մալայզիա և Չինաստան: Ասիան, փաստորեն, ազդանշաններ է ցույց տալիս, որ ի վիճակի է ինքնուրույն մեծացնել իր պահանջարկը:

Արտահանումներին և զբոսաշրջությանը միտված՝ Սինգապուրի տնտեսությունն իր պատմության աննախադեպ անկման հատակը հասավ 2008թ. վերջին եռամսյակում, երբ երկրի ՀՆԱ-ն տարվա կտրվածքով կրճատվեց 16.4%-ով: