Համանախագահները հակասում են միմյանց…
Ինչպես միշտ, դեռ «անտիկ» ժամանակներից, հարգարժան համանախագահները մեկը մյուսից հակասական հայտարարություններ են անում` ավելի խճճելով կարծիքներն ու գործընթացի առաջխաղացման ուղղությունները: Եվ բացի այդ, և Հայաստանում և Ադրբեջանում բոլորը շնչակտուր սպասում են, թե այս անգամվա հանդիպման արդյունքում իրենք ինչ կշահեն, իսկ համանախագահները ցուցադրում են իրենց իսկական դիվանագիտական մանյովրելու ունակությունները…
Վերջ ի վերջո այս ամենը` Ղարաբաղյան հակամարտության կարգավորման գործընթացը դառնում է մի մեծ փուչիկ, ն էլ իր հերթին պարունակում է ավելի փոքր շատ փուչիկներ…
Սարգսյան-Ալիև այսօրվա հանդիպման ժամանակ հակամարտության կարգավորման շուրջ բանակցություններում ղարաբաղյան կողմի մասնակցության հարցը չի քննարկվել: Այդ մասին Հայաստանի և Ադրբեջանի նախագահների հանդիպումից հետո հայտարարել է ԵԱՀԿ Մինսկի Խմբի ռուսաստանցի համանախագահը` Յուրի Մերզլյակովը:
Ինչպես նշում է ռուսաստանցի համանախագահը. «Օրակարգը նախատեսում էր կարգավորման մնացած հիմնարար սկզբունքների դիտարկում: Ղարաբաղյան կողմի մասնակցությունը պետք է լինի այն փուլում, երբ հիմնարար սկզբունքները հավանության արժանանան, քանի որ հիմնարար սկզբունքների վերանայման մասին հայտարարությունները մեզ ձեռք չեն տալիս»:
“Յուրի Նիկոլաևիչը խոսում է ֆորմալ կողմի մասին”, – ռուսաստանցի համանախագահի հայտարարությանը շտապել է արձագանքել ՄԽ ամերիկյան համանախագահ Մեթյու Բրայզան:
“Մենք տեղյակ ենք ղարաբաղյան կողմի կարծիքներից: Դրանք ներառված են բանակցություններում: Նրանք տեսակետը բացառված չէ գործընթացից: Մենք հաշվի ենք առնում Ղարաբաղի մեր ընկերների մտահոգությունները: Առանց դրա համաձայնությունն անհնար է”, – հայտարարել է Բրայզան: * Մեջբերումը ԹԵՐԹ.am-ից:
Այլ նմանատիպ նորություններ
| Tweet |
Հոդվածի դիտումների քանակը` 2,966
Թողեք Ձեր կարծիքը կամ մեկնաբանությունը.