Նոր պատերազմի վտանգ
Վերջին շրջանում կատարվող իրադարձությունների մասին իր կարծիքն է հայտնել «Հանուն Թալիշի վերածննդի» շարժման կազմկոմիտեի անունից Ֆահրադին Աբոսզոդան. «Ղարաբաղյան հակամարտության լուծման այսօրվա տարբերակը չի համապատասխանում բազմազգ Ադրբեջանի շահերին, որոնք չեն սահմանափակվում «տարածքային ամբողջականությամբ», այլև, նախ և առաջ, ենթադրում են տվյալ հողի վրա բնակվող ազգերի ազատությունն ու բարգավաճումը։»
«Աշխարհի գերտերությունները, փորձելով շուտափույթ կարգավորել հակամարտությունը՝ հօգուտ իրենց գեոքաղաքական շահերի, միևնույն ժամանակ բարենպաստ պայմաններ են ստեղծում Ադրբեջանի իշխող հակաժողովրդական ռեժիմի համար, որպեսզի արագացնեն երկրում համընդհանուր բռնատիրության ստեղծման գործընթացը, որը նրանք արդեն կարողացել են վերածել «բանտի ժողովուրդների համար»»,- նշված է հայտարարությունում։
Շարժման ակտիվիստների կարծիքով՝ նախքան տվյալ հակամարտությունը կարգավորելը, աշխարհի տերությունները պետք է ջանքեր գործադրեն Ադրբեջանում իսկական ժողովրդավարական ռեժիմ ստեղծելու համար։ «Հակամարտության կարգավորման ներկա տարբերակը հնարավորություն կընձեռի բռնապետական ռեժիմին, որպեսզի այն ամբողջովին և վերջնականապես ճնշի Ադրբեջանի ոչ թյուրքական ժողովուրդների կամքը»,- նշված է հայտարարությունում։
Հեղինակները նաև հայտարարում են, որ «արդյունքում դա Ադրբեջանում էթնիկ հողի վրա նորանոր հակամարտությունների ստեղծման համար հիմք կհանդիսանա։ Ներկա քաղաքական ռեժիմն Ադրբեջանում ստեղծվել է գերտերությունների օգնությամբ նաև, որոնց առավել շատ մտահոգում են ոչ թե ժողովուրդների ճակատագրերը, այլ իրենց գեոքաղաքական շահերն ու էներգետիկ պահանջները։ Եթե նրանց օգնությունը չլիներ, ո՛չ Հեյդար Ալիևին, ո՛չ էլ Իլհամ Ալիևին չէր հաջողվի երկրում նման բռնապետություն ստեղծել»,- նշված է հայտարարությունում։
Աղբյուրը` ԹԵՐԹ.am
Այլ նմանատիպ նորություններ
| Tweet |
Հոդվածի դիտումների քանակը` 2,295
Թողեք Ձեր կարծիքը կամ մեկնաբանությունը.