Ինտերնետ, հայեր, ֆեյսբուք, օդնօկլասսնիկի և այլ խառը` իրար հետ կապ չունեցող բաներ…

Հայաստան. առաջաբան

Ապրում ենք Հայաստանում: Գուցե գոհ ենք, գուցե` հակառակը… գուցե օրերն ենք հաշվում, թե երբ է մի վիզա կպնելու, թողենք հեռանանք (ցվրվենք) էս երկրից, կամ էլ գուցե օրվա մեջ գոնե կես ժամ մեր ժամանակից տրամադրում ենք էս երկրի մասին գոնե շա~տ քիչ մտածելուն…

Մեզ համարում ենք արդյոք էս հասարակության մի մասնիկ, թե առհասարակ կարծում ենք, որ էս երկիր չի… «Ստեղ ով կա, որ ես իրա հետ էս հասարակության մաս ինձ համարեմ»… կան մարդին սիրում ենք հայրենիքը, և շատ-շատ են նրանք, որոնք պատկերացում չունեն հայրենիք բառի և գաղափարի մասին:

Չէ, ամեն ինչ այքան էլ վատ չէ, որքան, որ ուզում են որոշ մարդիկ ներկայացնել… ոչինչ կորած չէ, ոչինչ էլ ծայրահեղ կորցված չէ… ուղղակի խմբերն են շատ մեզ մոտ, իսկ ավելի ճիշտ` անհատականությունները, որոնք իրենցից այն կող ուրիշ անհատականություն չեն ընդունում (!)

«օֆ-լայն» սոցիալական հասարակություն.

Ապրում ենք սոցիալական գերծայրահեռ բևեռացված հասարակության մեջ: Առաջադեմ կամ ալտերնատիվ մտածելակերպ ունեցող մարդկանց կողքից անվանում են «Եվրոպա», «տուֆտ» կամ այլ կերպ, մեկ այլ խումբ մյուսին անվանում է ռաբիզ ու «քյառթ»…

ռաբիզներ, Երոպաներ, տուֆտեր, քհառթուներ, ռոքերներ, պուզոներ… նրանք էլ առանձին-առանձին բաժանվում են ևս մի քանի այլ խմբերի` սփյուռքահայեր, պարսիկներ (որոնք հեչ էլ պարսիկ չեն ազգությամբ, այլ մի քիչ արտաքինով են տարբերվում տեղացիներից), ղարաբաղցիներ, աբարանցիներ, գեղցիներ, Լևոնական, Սերժական, ռուսամետ, ամերիակամոլ ու այդպես շարունակ… սոցիալական խմբեր, որոնք մեր առօրյան են, մենք դրանով ապրում ենք, դրանում ծերանում…

Սոցիալական մեդիա հասարակություն.

Ֆեյսբուք, օդնօկլասսնիկի, հայլանդ և այլ սոցիալական ցանցեր… սոցիալական ցանցերն այսօր մեղմ ասած` կերել են ամբողջ աշխարհը, և մենք` հայեր էլ հետ չենք մնացել աշխարհից: Մենք էլ ենք կարողանում ֆեյսբուք անել, օդնօկլասսնիկ անել… օդնօկլասսնիկները կիսով չափ վարկաբեկվել են իրենց ոչ կոռեկտ օգտվողների և կայքի ղեկավարության նյութապաշտության պատճառով… բայց շատերը, միևնույն է օդնօկլասսնիկը սիրում են… դեմ չեմ, ամենևին… ֆեյսբուքն այնքան էլ հասանելի և հասկանալի չէ շատ հայ օգտվողների համար. այնտեղ հիմնականում այլ մտածելակերպով մարդիկ են,- ասում են շատերը… Եվ էլի փոխադարձ անհանդուրժողական վերաբերմունք. դու ով ես! – բա դու ով ես! ( )

Կոլեկտիվ մտածելակերպ. վերջաբան

Այս ամենը հորինված չէ, դա մեր առօրյան է, մեր կյանքը, որտեղ ամեն մեկն արդեն իրենից մի սոցիալական խումբ է ներկայացնում: Մենք` հայերս, որպես վառ ընգծված անհատականություն, երբեք չենք ընդունում (թեկուզ որպես փաստ) հարևանի մտածելակերպը… էլ ուր մնաց կոլեկտիվ և համախմբած ինչ-որ մի մեխի մուրճահարելը…

Թեկուզ ես ցանկանում էի որպես փաստ արձանագրել (չնայած` ոչ մի նոր բան չէի հայտնագործում) այս ամենը, բայց միևնույն է վերջաբանս կարող է թվալ քննադատական (?)

Նպատակս մեկն է` տեսնել կարծիքներ և մեկնաբանություններ այս ամենի մասին և ոչ միայն… միայն թե խնդրում եմ հարցերն ու պատասխանները չքաղաքականացնել և չընդունել գրառումս որպես հանճարեղ միտք ու սկսել քննադատել…

Վ. Պապիկյան / iReport.am