eMarketer աուդիտորական ընկերության նոր կանխատեսումների համաձայն, 2009թ.-ին ԱՄՆ սոցիալական ցանցերի գովազդային եկամուտները կնվազեն 3%-ով, որը կկազմի մոտ $ 1,1 մլրդ: Ավելի վաղ` 2008թ.-ին, ընկերությունը կանխատեսում էր սոցիալական ցանցերի գովազդային եկամուտների աճ 10,2% չափով` մինչ $10,3 մլրդ:

Ինչպես նշում են վերլուծաբանները, չնայած այն բանին, որ սոցիալական ցանցերն արդեն վաղուց օգտվողների և սպառողների համար դարձել են բավականին պոպուլյար, նրանց դեռ հարկավոր է գրավել գովազդատուների ուշադրությունը:

MySpace սոցիալական ցանցը դեռ առջևում է գովազդային եկամուտների ծավալով, սակայն նրա դիրքերը աստիճանաբար ընկնում են: Այս մասին ասվում է ցանցի պաշտոնական վիճակագրության մեջ: 2009թ.-ին MySpace-ի ինտերնետային գովազդից ստացվող եկամուտները կնվազեն 15%-ով` կազմելով $495 մլն:

Միևնույն ժամանակ, MySpace-ի գլխավոր մրցակցի` Facebook-ի եկամուտները լսարանի հետ միասին աճում են: Սպասվում է, որ 2009թ. վերջին այս սոցիալական ցանցը կվաստակի $230 մլն, որը 9%-ով գերազանցում է նախորդ տարվա ցուցանիշները: Իսկ արդեն 2011թ.-ին Facebook-ը լիովին կարող է անցնել MySpace-ին իր տարեկան գովազդային եկամուտների ծավալով: 2009թ.-ին Facebbok-ի միայն ամերիկյան լսարանը կազմել է 70,3 մլն օգտվող, այն դեպքում, երբ MySpace-ինը կազմել է 70,2 մլն:

iReport.am