Մոսկվայում չինացիները սնանկանում են…
Մոսկվայի հանրահայտ Չերկիզովսկի շուկայի փակման հետևանքով աննախադեպ ծայրահեղ իրավիճակ է ստեղծվել Մոսկվայի ներքին կյանքում:
Ինչպես գրում է Թերթ.ամ-ը, տասնյակ հազարավոր չինացի առևտրականներ աննախադեպ կորուստներ են կրում Մոսկվայի Չերկիզովսկի շուկայի փակման պատճառով, որը պատկանում է ծագումով ադրբեջանցի օլիգարխ Թելման Իսմայիլովին։ Ինչպես հայտնել է Global Times թերթին Չժեցզյան նահանգի վերաբնակների ասոցիացիայի նախագահ Նի Ցզիսյանը, շուկայում բռնագրավվել է չինական մաքսանենգ արտադրանք՝ շուրջ 2 մլրդ դոլար արժողությամբ։
«Փաստորեն, կորուստները գերազանցում են 2 մլրդ դոլարը. շուկայում կան ավելի քան 6000 բեռնարկղեր, որտեղից յուրաքանչյուրում պահվում է 0,5-1 մլն դոլարի ապրանք»,- նշել է Նին՝ հավելելով, որ շատերն արդեն սնանկացել են, իսկ ոմանք նույնիսկ ինքնասպան են եղել։ Չերկիզովսկի շուկայի բիզնեսի հետ կապված է 70-80 հազար չինացի։
Սպառողական ծառայությունների բաժնի ղեկավար Վլադիմիր Մալիշկովը, սակայն, հայտարարել է, որ շուկան կարող է բացվել մինչև շաբաթվա վերջ, հատյնում է Прайм-ТАСС-ը։ Այնուամենայնիվ, դա տեղի կունենա ոչ երկար ժամանակով։ Նախատեսված է, որ շուկան ամբողջովին կվերացնեն մինչև տարեվերջ։
Աղբյուրը` Թերթ.ամ
Այլ նմանատիպ նորություններ
Թողեք Ձեր մեկնաբանությունը՝
Հոդվածի դիտումների քանակը` 3,564
