Ղարաբաղյան հակամարտության իրական ելք չկա, քանի որ առանց պատերազմի հայկական կողմը հողերը չի վերադարձնի, և ոչ էլ Լեռնային Ղարաբաղը որևէ պայմանով կարող է ինտեգրվել Ադրբեջանի կազմի մեջ: Այս մասին 1news.az-ին հայտնել է ՌԴ Պետդումայի պատգամավոր, ՌԼԴԿ (ЛДПР) անդամ Ալեքսեյ Միտրոֆանովը (Алексей Митрофанов):

«Հայերը ոչինչ չեն վերադարձնի: Եվ նույնիսկ եթե Ադրբեջանն իր ողջ գազը տա Ռուսաստանին, հետո հավաքի ևս 10 միլիարդ դոլար և վարկ տրամադրի Ռուսաստանին, ապա ոչինչ չի փոխվի: Դուք կարծում եք, թե հայերը կհրաժարվե՞ն Ղարաբաղից և կհեռանան այնտեղից կամ ինքնավար շրջանի իրավունքի պայմաններով դաշինքի մե՞ջ կմտնեն Ադրբեջանի հետ: Պետք է ճանաչել հայերին: Ո’չ զիջումները և ո’չ էլ փողն այստեղ ոչինչ չեն լուծի: Ղարաբաղի հարցում դա ոչինչ չի կարող փոխել: Ուղաակի պետք է հասկանալ կամ ընդունել դա, կամ էլ պատերազմել մինչև վերջին զինվորը: Ո’չ Ռուսաստանը, ո’չ ԱՄՆ-ը չեն օգնի: Նույնիսկ Օբաման ոչինչ չի կարող անել»,- ավելացրել է նա:

Աղբյուրը` ԹԵՐԹ.am