Google Wave-ում դուք կարող եք աշխատել և շփվել այսպես կոչված «ալիքւմ», որն իր մեջ ներառում է դոկումենտի , չաթի, էլ.-փոստի նամակների ցուցակի ֆունկցիաները: Օգտվողները հնարավորություն ունեն միաժամանակ խմբագրել «ալիքը», ավելացնել տեքսեր կամ պատկերներ.

Արդյունքը կարող եք հրապարակել ցանցում կամ տեղադրել այլ կայքում: Այսպիսի ֆունկցիան , հավանաբար, պիտանի կլինի բլոգերներին, ովքեր երազում են վերածել սեփական օրագիրը շփման և հաղորդակցման հրապարակի’ բազմատեսակ մեդիա-բովանդակություն ներմուծելու ընդլայնված հնարավորություններով:

Google Wave-ում օգտագործվում է հիպերտեքստի նշման նորագույն տարբերակը’ HTML 5, որը սակայն ապահովվում է դեռևս ոչ բոլոր բրաուզերների կողմից: Բացի այդ հենց ծառայությունը դեռ շատ հեռու է վերջնական տարբերակից: Համակարգը նախագծողների խոսքերով մի շարք նախատեսված ֆունկցիաներ դեռ պետք է իրագործվեն:

Google Wave-ի ստեղծողները նաև խոստանում են հրապարակել ծրագրային ինտերֆեյսի ելակետային կոդը և ինֆորմացիայի փոխանակման մասին հաշվետվությունը: Դա թույլ կտա այլ դեվելոփերներին ստեղծել սեփական հավելումները Google-ծառայության հիմքում:

iReport.am